車主斥向私家車開刀:想環保應先要巴士Van仔轉晒電動

更新時間 (HKT): 2017.06.22 00:02

政府10月收緊新登記柴油車排放標準,有車行上月舉辦柴油車車展,吸引大批市民參觀,李先生買了柴油私家車一年,他批評新政策扼殺選擇,「(香港)電動車又好、柴油車又好、燃油都係冇選擇。」。梁先生指,政府想推動環保不應向私家車開刀,「我哋私人車唔係日日係嗰路度行,如果政府真係想做嘢,應該第一件事要巴士、Van仔全部轉晒電動車。」

現時大部份商業車輛所使用柴油無須徵收燃油稅,但汽油的燃油稅則為每公升6.06元。香港運輸研究學會資深會員熊永達指,油價差距吸引車主買柴油車,而新車的污染問題不大,但當過了5、6年,污染就會大增。「柴油車維修保養一做得唔好,黑煙又有乜都有。」他指近年柴油車不斷增長,港府為防尾大不掉令污染加劇,修例限制柴油車,但卻未見扶持更環保的電動車發展。

環保署指,即使現時本地市場沒有符合LEV III的柴油私家車出售,市民仍可選購汽油和電動私家車。北京自2013年起禁止柴油私家車行走;巴黎、墨西哥城、馬德里和雅典的市長承諾會致力於2025年前禁止柴油車行駛,以解決空氣污染問題。而美國環境保護局亦參考LEV III,制定相若嚴格的第三階段排放標準(US EPA Tier 3),今年起在美國其他州份陸續實施。

記者:潘柏林

一格照片,一個故事,Follow蘋果Instagram!
BannerBanner