「香港成為中國電影一部份係必然」
杜琪峯:不放棄拍純港片

更新時間 (HKT): 2017.06.23 05:20

今年金像獎最佳電影《樹大招風》由三位鮮浪潮導演執導,電影的命題,三大賊王的結局是「偶然」或是「必然」。引伸香港電影在回歸20年後,港產片迷都會問,合拍片是否已經成為必然的結果。導演杜琪峯早前在觀塘寫字樓接受訪問,他提供了一個肯定的答案說:「香港成為中國電影嘅一部份呢個必然嘅,97後至到近年嚟更明顯,睇嚟再10年20年都會係咁樣。」港片買少見少,合拍片成行成市,但杜琪峯執言不會放棄拍港片。他笑言因為一離開深圳,踏出飛機那一刻,因為語言及文化差異,已經變成半啞:「唔識寫嘢喇,唔識去講嘢。唔係話人哋有問題,係我有問題。最重要我嘅信念會係對香港電影,嗰個熱情係香港,呢個係我認識嘅地方。」

不藉合拍片挑戰政治問題

《黑社會》被視為政治寓言

在97年前的電影《一個字頭的誕生》是杜琪峯、韋家輝統領的銀河映像創業作出品,因為電影探討宿命,有人解讀為香港人面對回歸的焦慮。杜琪峯解釋整個創作到導演,都是由韋家輝負責,「講97問題好、社會迷失冇前景,係影評人加上去。當然你令到人咁加上去,你嘅戲必然有一個催化作用」。銀河影像堅持的是獨立同創新題材,他們的作品經常被人覺得有政治寓言,在電影《黑社會以和為貴》中內地公安對古天樂就講過「我們不是不相信選舉,只是擔心選出來的人會擾亂秩序」的寓意就最清楚不過,杜琪峯說:「我只不過想從電影講出嚟,時代嘅轉變都會出現唔同嘅人同方法,一個世襲同一個競選出嚟係存在嘅,唔係我作出嚟。至於睇成香港寓言,如果起步唔係咁嘅遭遇,可能結局唔一樣。」

一格照片,一個故事,Follow蘋果Instagram!
BannerBanner