【雙學判囚】羅母判前受訪痛哭:高官非為香港 置後生仔於死地

更新時間 (HKT): 2017.08.17 18:41
羅冠聰母親(左)指大陸是人治,不能批評當局,香港回歸後都知香港會變,但沒想到變得這樣快。

今日雙學3人被改判入獄,其中羅冠聰昨晚深夜在facebook專頁發表長文,稱預料會入獄,明言「身陷囹圄,希望日後出來時,會是更美好的香港」,之後凌晨再在自己fb表示,基本上議員的路對他而言,是與梁天琦等人一樣,已經到盡頭了,「我無法再以代議士身份代表香港人。透過政治,透過司法,結果一樣」,並反問自己:「羅冠聰,你的未來是怎樣呢?也許,要在那兒想想」。他昨晚在家中與母親吃宣判前「最後晚餐」,羅母接受傳媒訪問,忍不住在鏡頭前痛哭,「年青人發聲就受打壓,邊個做阿媽唔心痛」。她又痛斥現在的高官只為「搵食」,並非為香港,「係呢班人要置後生仔於死地!」

羅冠聰在宣判前夕留在家人與母親吃晚飯,母子接受《毛記電視》訪問。羅母表示,當年由汕尾帶羅冠聰等三名兒子移居香港,是為了讓他們可以在真正的法治與民主社會中成長,她指大陸是人治,不能批評當局,香港回歸後都知香港會變,但沒想到變得這樣快,「大陸以前毛澤東話槍桿子裡面出政權,而家香港政府就用枝筆殺人,無血無影,比大陸重恐怖」。

她指羅冠聰小時候內向,只愛在家中打機,「無估到佢咁細粒咁細膽,行到咁前,呢啲嚇到我。後來佢話我係為咗社會,自私唔行出嚟,呢個社會無得改變,我無得講」。愛子心切,她不禁埋怨:「我話佢係蠢仔,蠢到咁難行嘅路嚟行。」

昨晚被問到羅冠聰將被判刑時,她感到不平:「梁振英同周浩鼎單嘢,點解唔去告,點解年青人做少少嘢,咁大打壓,法律變咗一個武器。」說完大聲嘆氣。而作為母親也感到不安,「唔係自私為自己利益,年青人發聲就受打壓,邊個做阿媽唔心痛!」

她表示,以前不理政治,現在看清楚政府高官「喺到搵食」,子女都在外國,都是自私自利,並非為香港利益,「係呢班人要置後生仔於死地,無得出嚟講,邊個出嚟講,我就用法律,名就係法律,嚟打壓你哋」。

她承認很擔心「三佬」(三子羅冠聰),「唔好話佢喺監獄,喺呢到都擔心,一日都重,唔好話兩年」。訪問途中她忍不住在鏡頭前痛哭,「我承受唔到,我今日都係度喊!」至於對兒子的叮囑,她只能重複說:「叫佢小心啲、小心啲!」在旁的羅冠聰則表示,參與政治活動而面臨刑責,覺得自己不孝,「可能對屋企人我係最自私,唔知行緊乜嘢可以回報家人嘅路,但係呢個係我成長同經歷話畀我聽正確嘅事」。

但對自己是否有罪,羅冠聰指出:「罪責牽涉好多價值判斷,可能有人認為社會和諧穩定,個個人講同一把聲,咁就代表社會係好,但我哋都知道社會存在好多問題,要去解決就要有人講唔同聲音,好多人唔鍾意,包括當權嘅人」。

一格照片,一個故事,Follow蘋果Instagram!
BannerBanner