【天鴿襲澳】遊戲商堅持辦街頭對戰 被轟罔顧救災安全

更新時間 (HKT): 2017.08.25 23:09

Niantic Labs自2013年推出Ingress遊戲以來,逾今下載次數逾1,600萬,玩家遍及全球逾200個國家;該公司其後推出Pokémon Go更廣為港人認識。Ingress去年選址香港「開戰」,結集逾2000名來自全球玩家。本地資深玩家譚先生表示,2013年開始玩Ingress,分綠營與藍營對戰。Niantic Labs於本周六、周日在澳門大型比賽「13 Magnus Reawakens Macau」及「Mission Day Macau」,他亦有參加,「除咗港澳玩家,仲唔少嚟自台灣、日本等海外玩家,大約500人參加;會喺澳門本島街頭作戰。」

譚先生表示,賽事如箭在弦,惟澳門日前不幸發生風災,滿目瘡痍,據他所知,大部份玩家希望Niantic Labs取消賽事,「Ingress擴增實景遊戲,玩家係親身到澳門街頭對戰,搵寶物、獎牌等,災後澳門環境惡劣,玩家人身安全固然有問題;人哋家園受災,我哋仲要去玩阻住人救災,好唔妥當。」

他說,惟大會一意孤行,不理反對賽事如進行,「大會通知話會更改大戰戰場範圍,保障玩家安全,避免干擾善後工作。仲叫我哋盡量自携糧水,唔好增加當地供應壓力。行動嗰陣注意自身安全,若有餘力,協助災後清理工作。」

譚先生不滿說,既然大會知悉澳門正進行災重建,賽事仍繼續,做法不負責任,「我家唔去,有部份玩家甚至買咗25美元的虛擬法寶包,都退出;大會無講會唔會退錢。」本報就投訴向大會查詢,暫未接獲回應。

記者 蔡朗清

一格照片,一個故事,Follow蘋果Instagram!
BannerBanner