中共十九大前夕港人被拒入境澳門 職員稱「冇咩事唔好嚟」

更新時間 (HKT): 2017.10.16 13:47

再有港人被拒入境澳門!港人邱小姐原定於周日晚(15日)到澳門觀看演唱會,惟她於周日晚乘船抵達澳門時,隨即被當局扣查近2小時,最終被澳門當局以「對內部保安的穩定構成威脅」為由,拒絕入境。邱亦在facebook撰文,指對事件感憤怒、疲累及失望,寄語朋友去澳門要三思,因分分鐘不能入境,「我咁耐無出去(社運)又咁耐無被捕,是否應該update下個databases定係永久blacklist……」。

中共十九大周三(18日)開幕在即,再有港人被拒入境澳門;邱小姐回覆《蘋果》,指原定於周日(15日)與五名友人到澳門看「江小白YOLO音樂現場」表演,惟因港澳地區周日打風,活動最終在澳門改掛三號風球後,臨時決定於晚上10時正開騷,邱於是趕在11時到達澳門,並計劃留至周一才回港,惟她指,昨晚11時到達澳門辦理入境手續期間,關口職員隨即按鐘呼叫幫手,並聽到治安警說了一句「是粉紅色的」,「我唔明佢講咩,不過之後就有人帶我入房,叫我填個人資料,包括埋阿爸阿媽叫咩名、做咩工」,邱稱曾要求澳門職員解釋被扣原因並表示不願填寫,惟對方未有理會,並稱「你唔填就繼續坐」、「你填咗先」。

邱指最終等候近2小時,至16日(周一)凌晨1時澳門才向她發出「拒絕入境通知書」,並指她「對內部保安的穩定構成威脅」,她曾向職員查詢威脅原因,「但職員話佢都唔知」,其後亦安排她乖船返港。邱憶述,遺返期間有一名處理港澳入境問題的職員曾向她表示,「話自從佔中後每日要處理四、五單被拒入境,但我同佢講佔中期間我唔喺香港,佢就話有時同名同姓嘅人都可能被拒入境,之後仲話無咩事都唔好嚟澳門」。

邱於2012年曾因參與佔領匯豐銀行總行的「佔領中環」運動被控,亦曾因抗議愛港力量發動反外傭居港權集會而被捕,最終獲輕判守行為半年,惟她認為相關的社運背景早於佔中前發生,「但我喺2015年8月都入過澳門,所以真係唔明澳門嘅做法」,認為澳門當局過份敏感、拒絕入境的準則不清,近年被拒入境情況亦嚴重,屬限制港人自由及「有殺錯無放過」,對澳門拒絕其感憤怒及失望,指「第時都要諗下仲去唔去澳門」。

一格照片,一個故事,Follow蘋果Instagram!
BannerBanner