【李八方online】加拿大商會有誠意 獲娥特獻出第一次

更新時間 (HKT): 2017.10.23 13:46
林俊謙攝
(蘋果日報)

香港加拿大商會今午請嚟特首林鄭月娥就施政報告內容演講,加拿大駐港澳總領事南杰瑞(Jeff Nankivell)致歡迎詞時除咗用英文同法文打招呼,仲表演流利廣東話,用廣東話講咗「各位朋友,大家好啊」同「多謝大家」,引來現場一陣掌聲。

娥特致辭時就話,香港加拿大商會早喺7月6日已向佢發出邀請,係佢上任特首後第一個發出施政報告演說邀請嘅商會,笑說:「所以你們(香港加拿大商會)已打敗(beaten)了其他在港的商會」,引來現場賓客一陣掌聲。

林鄭話呀,當初收到呢個邀請時,話呢個係一個「私人商界午宴」,到場後先發現有成300幾人同傳媒在場,但佢仍然樂意大家講解施政報告背後想法,佢又話按傳統做法,特首發表施政報告後,要參加一個本地商會搞的聯合午宴,今次會喺本月31號舉行,希望香港加拿大商會都會有代表出席喎。

其實娥特今日午宴上無乜新嘢講,主要都係宣傳吓「一帶一路」帶來嘅商機,亦重申自己有決心取消強積金對沖,同話政府開發土地時,唔會犧牲環境保育喎。

一格照片,一個故事,Follow蘋果Instagram!
BannerBanner