【李八方online】朱生唔應人咁寸?撐警團體認錯人 陳展鵬當朱經緯

更新時間 (HKT): 2017.11.10 20:47

查實陳展鵬之前揸車接載落選港姐單文柔去山頂開餐,被記者撞破,駕車離開時涉撞凹記者採訪車,被控不小心駕駛,案件今日提堂。陳生係藝人,一出法庭就好識做,擺晒pose畀記者影相,唔知係因為現場太多人,定嗌口號嗌到麻木晒,見陳生被包圍採訪,企定定任影,撐警團體嘅人就狂嗌「支持朱經緯!支持朱經緯!」現場記者即時失笑,陳生聽聽下發覺唔對路,出現「黑人問號」,佢初時都忍到嘅,但後來都係忍唔住笑,仲問記者:「有冇錄到(佢哋嗌)?」

撐警團體叫叫下口號後,終發現叫錯咗,其中一人仲話:「陳展鵬嚟㗎,煎pan(陳展鵬花名)呀!」最後陳生尷尬地上車離開現場。

一格照片,一個故事,Follow蘋果Instagram!
BannerBanner