9歲自閉兒由怕水到愛仰浮 家長讚教練:會問佢點解驚

更新時間 (HKT): 2017.11.13 00:01

除了教練耐心教導,亦有賴家長願意踏出報讀課程一步。由怕水到享受仰浮,馮先生談起9歲兒子柏熙學習游水後的轉變,頓時笑逐顏開,「正正係游水先改變到佢……我小朋友4歲先識講嘢,佢(成長)進度本身都好擔心,而家9歲算係識一半游水,可以話有啲收成。」

就讀特殊學校小四的柏熙有自閉症,手腳協調較差導致行路亦較難平衡差,馮先生指兒子習泳後「行樓梯安全咗,好直接睇到有幫助」。馮太指,曾為兒子報讀坊間泳班,惟效果未如理想,「上咗一個月堂不停淨係教佢踢水」,亦有教練比較嚴厲,不停將柏熙的頭按入水中,「嗰堂個半鐘頭都係咁,游完水嗰日佢瀨咗4次尿,佢平時好少瀨尿,可能飲咗好多水。」當時教練稱「你要放手,要畀佢過咗呢關」,事實是同一教學方法未必適合每個孩子,柏熙甚至在泳課前一晚表明「媽咪我唔想去游水」,終令兩夫婦決定暫停游水課。

後來學校家訪時,建議柏熙參加特殊游泳課程,她坦言,「其實唔使識游咩花式,有個安全,佢唔驚又enjoy情況下學習就好好。」她大讚學院教練細心,例如會問柏熙為何怕水,又不會立刻將小朋友的頭按入水中,而是鼓勵他,「會計5秒10秒,讚佢有進步。」馮太亦笑指,「開頭佢上堂成日望我哋,而家佢掛住游水望都唔望喇!」

教練陳sir回憶,柏熙上了數堂亦未敢游水,自己慢慢與他建立信任關係,「後來仲搵到佢鍾意仰浮,會同佢玩遊戲,問佢阿sir有幾多隻手指喺水底,確定佢真係有落水望」。

馮先生指,自己當年習泳時,「教練係掟個1蚊銀落池底要我執」,而即使坊間教練知道小孩有自閉症,亦沒有調整教法,慣於給予指令,慶幸找對了方向,現時小孩期待每個星期日來到。為人父母無論幾艱辛,小孩的一個笑容已足以教他們一瞬間忘卻煩惱,馮先生亦寄語其他家長,「唔好收埋個問題,一齊諗下方法。」

記者 黃翠儀

一格照片,一個故事,Follow蘋果Instagram!
BannerBanner