​【蘋聞追click】年輕人恩物 90後買家:有頭髮邊個想做癩痢?

更新時間 (HKT): 2017.11.26 00:04
「Markbox」貨櫃屋示範單位可放置標準的大床,亦有空間設開放式廚房。(許頌明攝)
(蘋果日報)

貨櫃屋有價有市,更是「住唔到公屋、買唔起私樓」的年輕人恩物。從事地盤工作的90後古先生(化名)早前與女友到元朗訂購貨櫃屋,他早前租用了一幅元朗農地,再花約6萬元訂購了貨櫃屋,打算置於農地上。現與親友居於元朗唐樓的他指家中地方太細,亦沒有私人空間,希望置業或租屋獨自居住,「而家啲寮屋都租成5、6千蚊,村屋就更貴,要7、8千蚊,好難搵啲平盤。」

他購買的貨櫃屋設有廁所及床架等基本設施,但不設廚房,預計約一個月已可完成安裝,「因為唔會成日響嗰度住,當間中度吓假,間中會去種下嘢。」

他指置業甚艱難,「如果買村屋,要成3成首期,700幾呎都賣成300萬,公屋又申請唔到,居屋又難過中六合彩,上次抽居屋,連梅窩都揀唔到。」故花數千元租用了元朗一幅約2,000平方呎土地耕作,同時購買貨櫃屋作休息用,他承認有風險,或有機會被政府取締,「有咩事就即刻吊走(貨櫃),其實有頭髮邊個想做癩痢,你估好想住呢啲地方咩,仲要趕盡殺絕。」

他批評在現時政府政策下,他一類白表單身人士是最被忽略的一群,「單身都係人,單身唔使住咩?政府叫啲公屋戶買居屋,咁住唔到公屋果啲,有冇理過佢哋?」

記者 鍾雅宜

一格照片,一個故事,Follow蘋果Instagram!
BannerBanner