日治時甩皮甩骨 HKU本部大樓原來非日軍破壞

更新時間 (HKT): 2017.12.02 06:33
本部大樓建於1912年,二戰後滿目瘡痍;後港大於1952擴建大樓,增建南部兩個庭園及舞台。圖為1946年本部大樓的相片。(港大提供圖片)
(資料圖片)

港大本部大樓陸佑堂上方的圓拱形天花和校徽,被假天花遮蓋了半世紀。港大建築文物保護課程學部主任李浩然解釋,1960年間陸佑堂上方需要加裝冷氣機等設施,為了「遮醜」才會加建假天花,「當時嘅冷氣機亦好大部,所以工程就加裝咗假天花嚟遮醜、遮住啲喉、設備,亦都遮埋個校徽」。

李浩然續稱,本部大樓建於1912年,初時只有鐘樓方向的兩座大樓,戰後1952年校方才加建南翼兩座大樓及庭園,形成現時「田」字型設計;大樓主禮堂亦是在此時加長及增設舞台,並改名為「陸佑堂」,「原本個校徽都唔喺呢邊,係之後擴建先改左喺禮堂上方」;

李解釋,當時工程人員或港大教職員未有保育意識,故未特意在設計上考慮禮堂的觀感,至現時維修計劃才打算恢復以鋼架搭成的復原有天花設計,「或至少做假天花時,都跟返個原本形狀」,令校徽重見天日也符合保育原則。

本部大樓歷史悠久,經歷民初、二戰日本侵華,更曾在戰爭期間被借用作醫院。李稱現時不少人看舊照片,均以為戰時日軍破壞本部大樓,令大樓「甩皮甩骨」,「其實反而係當時因爲無柴,啲香港人就拆咗啲木板、窗框嚟燒」,笑言大家「唔好入咗日本人數」。

記者 葉偉東

一格照片,一個故事,Follow蘋果Instagram!
BannerBanner