隔牆有耳:
人類第一朋友 進駐中大文物館 - 李八方

更新時間 (HKT): 2018.02.03 05:20
彩色小狗站在花叢中,屬展覽中唯一一張油畫。朱家駿攝

狗年就快到,中大文物館每年農曆新年都會應節設展,今年都唔例外,由今日至下月11日展出狗文物「戊戌說狗」賀歲展覽,共有40件館藏。焦點館藏係一件民國初期嘅「素胎獅子狗」,來自廣東佛山石灣窯。素胎係以當地原產嘅紅泥為胎,無上油直接喺泥土上燒,亦喺眼、鼻等位置用黑褐釉彩燒製,但甚為精緻。頸部有「霍津造」楷書陰文橢圓印,應該係被稱為「駝津」嘅石灣陶工霍津所製。

中大文物館博士後研究員童宇亦講到狗嘅歷史,佢話歷代通常認為任何狗皆由灰狼演變而成,狗亦係人類歷史上第一隻被馴化嘅動物,可以話係人類第一位朋友。佢又話,以往不少古籍亦描述狗狗忠孝仁義嘅故事,強調狗對人類嘅貢獻同服從,但𠵱家狗已經被狗主視為家庭成員,唔會再好似以前有「低人一等」嘅形象。

一格照片,一個故事,Follow蘋果Instagram!
BannerBanner