陳日君冒險進諫不果 學者:佢係現代殉道者

更新時間 (HKT): 2018.02.03 00:45
(資料圖片)

對於教廷疑為建交向中共「跪低」,學者指將對教會的信譽造成長遠傷害,直接衝擊兩岸三地的信徒。浸會大學政治及國際關係學系副教授陳家洛指,教廷的法律本來放諸四海皆然,「喺中國就可以有唔同演譯、唔同標準,好容易變成教廷終極妥協。」有學者則指,香港教區榮休主教陳日君樞機冒險向教廷「進諫」不果,但相信歷史會證明陳的做法正確。

本身是天主教徒的陳家洛指,中梵簽訂框架協議、接納7名中國非法主教的消息令信徒有很大憂慮和不安,「原來教廷的法律、信仰教條喺中國就可以有唔同演譯、唔同標準,好容易變成終極妥協,咁樣係破壞緊教會,製造分裂。」他指歷史上教會與匈牙利、波蘭、捷克政府交手,後果均是信譽破產,「咁樣妥協,點同國內挺直腰板、受盡折磨既老百姓交代?」

他指建交本身值得鼓勵,但前提是有信仰自由,現時做法令國內地下教會和台灣教友更加孤立無援,「教廷唔應該幼稚到以為可以同中共發展到互動關係。」

浸大宗教及哲學系高級講師陳士齊則指現時做法短期而言是悲劇,教會的道德公信力會直接被削弱,未來至少四分一世紀,難以得到公眾尊重,但他同情教宗,因為中梵已斷交70年,中國改革開放30年,「佢好想建立返關係,喺中國教會有返個位置,只係要付好高代價。」

他指陳日君基於使命向教廷進諫,令正準備「跪低」的梵蒂岡好尷尬,「佢係現代既Martyrs(殉道者),佢做咗好大犧牲,雖然教廷咁對佢,但喺信徒心目中佢係受到敬重,將來(教會)會恢復佢既名聲。」

一格照片,一個故事,Follow蘋果Instagram!
BannerBanner