【李八方online】葉建源立法會開檔寫揮春

更新時間 (HKT): 2018.02.13 17:59
葉建源應邀寫咗張「龍象精神」揮春畀黃定光,獲對方大讚手字好靚。林俊謙攝

教育界立法會議員葉建源連續第二年向立法會秘書申請並獲批准後,今日喺立法會二樓走廊開檔,為傳媒同立法會保安寫揮春,佢即席揮筆寫咗「快快樂樂無操練,不要操練過新年」揮春,指每年小三TSA都令到好多小朋友唔快樂,新年時都要忙於操練,最希望政府接受佢嘅意見,移除TSA操練嘅誘因,令小朋友快樂過新年。

醫學界議員陳沛然路過時見到個檔口大感驚奇,搞笑話:「我喺隔離擺個血壓計先,幫我霸定個位,爭生意先,一定好好生意!」民建聯「象哥」黃定光亦捧場,叫葉建源幫佢寫「龍象精神」,仲大讚葉建源手字「無得頂,無得頂,呢張正正正正正!」

一格照片,一個故事,Follow蘋果Instagram!
BannerBanner