【蘋果踢爆】疑似張志剛妻涉踢狗 領養小狗兩周後退回另覓新主

更新時間 (HKT): 2018.02.28 00:37

前行會成員張志剛妻子朱伊蓮被指粗暴拖行及腳踢小狗,市民陳小姐看到報道後認出被踢貴婦狗,指月初到灣仔一間寵物美容店遇到朱伊蓮,朱正準備領養該貴婦狗,又主動與她交談,指自己家中有兩個工人,打算每天帶小狗外出散步三次,又聲稱自己曾做動物暫託,「講到自己好有愛心,估唔到佢會咁踢隻狗。」

陳小姐指,本身與寵物美容店店主相熟,店主早前從狗場領回被棄養的小狗,帶回店內後發現該貴婦狗有皮膚問題,「啲毛污糟」,因此將小狗的毛剃光及為其沖涼。陳小姐指,店主得悉小狗曾被粗暴腳踢感到心痛,「佢(店主)特登接啲狗返嚟都係想幫佢哋搵個好主人,估唔到佢(朱伊蓮)會咁踢隻狗。」

陳小姐憶述,她本月7日到該店領養寵物,遇上同樣欲領養小狗的朱伊蓮,其間朱曾問店員「點解隻狗冇毛,遲啲生番啲毛會唔會靚啲」,陳小姐形容,「佢好似嫌啲狗唔靚咁,想換隻靚啲嘅」,她指當時朱伊蓮曾主動與她交談,指自己家中有兩名工人,打算每日帶小狗散步三次,又指自己曾做動物暫託。

據陳小姐了解,朱伊蓮領養小狗後兩周,即本月21日再發訊息予該寵物美容店,指家有急事,未能抽身照顧小狗,希望退回,至上周六將小狗送回店內。陳小姐形容,小狗送回店時身體無明顯傷痕,惟上前抱牠時明顯「好驚人」,現時小狗已改名柔柔,並由新主人領養。

記者 趙雅婷

蘋民洗板

一格照片,一個故事,Follow蘋果Instagram!
BannerBanner