【聽我講...】紋身師:難忘女客人陰部紋身為自愛

更新時間 (HKT): 2018.03.02 20:46

90後紋身師馬珈珈說,當了紋身師4年多,她直言沒有提供洗去紋身服務,「嗰個人係一生一世都望到呢個圖案,紋身唔單止係裝飾,而係為每個人提供一啲energy」,她希望透過紋身幫客人走出心結,提供更積極的能量。

馬珈珈過去的客人大多都是女性,而大多數的女客人都是為伴侶紋身。「男人紋身通常原因比較直接,例如佢好鐘意行山,就想紋個喜馬拉雅山,但女仔故事通常都出自一些較感性的經歷,影響佢哋內心情緒嘅事」,對伴侶的感恩、傷痛,都是驅使她們紋身的原因。

「通常都係聽完佢哋講完故事,我再用圖像轉化個意念出來,如果係一啲傷感故事,我希望可以幫到佢哋overcome,走過嗰一段艱難痛苦歲月,變成積極的提醒,日後嘅人生可以過得好好可以愛自己,再真實地去愛對方」。馬珈珈說自己談不上心理輔導,只是覺得「與其留下一個傷感嘅烙印,不如盡我自己能力,去為對方設計有positive energy嘅紋身,呢個係我嘅信念」。

在眾多故事當中,令馬珈珈印象深刻的,是一位女性主義者,她深信女性應愛自己身體的全部,「佢曾經好唔喜歡自己嘅下體,所以喺下陰位置紋一個point out finger」,希望提醒自己要自愛。她說紋身的過程中並沒有絲毫尷尬,「紋身背後的意思比較重大」,應視之為一件藝術品。

記者 梁銘恩

一格照片,一個故事,Follow蘋果Instagram!
BannerBanner