後生仔捱下啦? 劉鳴煒:問題係捱完唔等於有好結果

更新時間 (HKT): 2018.03.10 11:26
(資料圖片)

《財政預算案》不單未有回應政黨要求全民派錢,亦被批評對青少年扶持不足,但行政會議成員羅范椒芬一前卻拋出一句「捱下啦!後生仔」遭批評太涼薄。青年事務委員會主席劉鳴煒今早在電台節目中表示,明白羅范的說法,但認為現時問題出於青年「捱下」不等於捱出合理結果。

劉鳴煒認為,事件反映香港跨代溝通和彼此了解不足,當中有很多宣傳教育可以做。被問到是否不認同「捱下啦」,劉就指自己已非「後生仔」故明白羅范的講法,「最重要嘅係,如果捱下係可以有一個理想嘅結果,咁就一定要捱!」劉以置業為例,指「捱咗好耐都無理想結果,呢番說話就唔適用。」

劉強調,若要有好結果,事前的付出固然重要,「但如果政府、社會製造唔到一個做到『理想結果』個part嘅環境,咁就出咗問題。」

被問到事件是否反映建制高層並不了解香港青年,劉則建議所有政府官員都應閱讀青年事務委員會經諮詢後整合的報告,認為有助扭轉他們對青年的負面印象。

一格照片,一個故事,Follow蘋果Instagram!
BannerBanner