【李八方online】姚松炎敗選 令黃之鋒同邊個鬧翻?

更新時間 (HKT): 2018.03.14 20:01
因為姚松炎敗選一事,令黃之鋒被黃世澤block咗,認真陰功豬。蘋果日報

被DQ嘅姚松炎輸咗立法會補選,民主派一片哀嚎之時,唔少人都嘗做死因研究,姚松炎嘅手寫離地banner都成熱話。但做做下檢討,卻變成互數不是,甚至一刀兩斷。

今日社運界流傳唔少fb cap圖,係關於黃之鋒同黃世澤。話說有位眾志派睇唔過眼朱凱廸因為姚松炎敗仗成為眾矢之的,出po捍衛朱廸,申明朱廸喺前年大選都唔係冇打地面戰,所以唔能夠怪佢,仲要求姚松炎「競選團隊核心」出嚟對質。時事評員黃世澤就唔妥呢個po,轟姚嘅文宣核突,內部提及之鋒領導下嘅眾志文宣大不如前。

呢位眾志派繼而反擊,呢次之鋒都加入混戰,叫黃世澤寫文前查清事實,結果黃世澤嬲到火遮眼,出文批之鋒份人囂,唔會記得幫過佢嘅人,公開明言將來有咩事唔好叫佢幫手,此時連羅冠聰都抵唔住頸,搭嘴話黃世澤大口氣,而之鋒其後話畀黃世澤block咗。

為咗一個議席,拆散一個陣營,何必呢?而喺雙黃鬧到面紅耳熱之時,再有一黃加入。黃洋達就食住花生喺Facebook話:「世澤判左(咗)之鋒死刑」,呢場口水戰,會否沒完沒了?

一格照片,一個故事,Follow蘋果Instagram!
BannerBanner