【最新租值】開業15年甜品店不敵加租結業:上水已變晒

更新時間 (HKT): 2018.03.19 15:22

椰皇湯丸、芝麻糊、合桃糊等都是彩虹甜品屋的「招牌」,吳先生與太太15年前在上水馬會道開設甜品店,多年來每日現炒芝麻、即磨合桃,生果就每日新鮮由果欄交貨,「全部我地自己人手做,好似合桃糊每日自己磨,一斤120蚊嘅合桃只做到12碗,我地想畀最好品質嘅糖水客人食。」

彩虹甜品屋每碗糖水成本高、工序繁複,但價錢便宜,最平20多元就有交易,成功吸引一班街坊、學生哥成為捧場客,「呢度好似區內聚腳點咁,一家大細、成班朋友想聚埋一齊就會話來Rainbow」,吳先生更與客人打成一片,建立深厚感情,「我最快樂嘅時光都係呢到渡過,過時過節班街坊都會來,大家感情好好。」

不過,人情味敵不過「租魔」,業主加租至10萬元,「咁多年都係做街坊生意,呢嗰租金真係做唔到落去,如果將加租轉嫁去客人身上,我唔想咁做,街坊入來食糖水都想開開心心。」吳先生坦言,近年眼見上水變遷,「新康街嘅文具舖、電器舖乜都無哂,全部都係藥房,估唔到幾年後殺到埋來呢邊」。他又稱,在馬會道經營逾10年的小店逐漸消失,「上水變哂,連我地都走埋,呢條街得返一間舖係做超過10年。」

彩虹甜品屋上周無奈結業,「好多街坊唔捨得,嗰嗰鬧我地做乜唔做,我地都話無辦法,租貴之餘,又請唔到人。」他更透露,有藥房高價每小時60、70元聘請員工,令小店難以聘請員工。訪問當日,小店距離結業只餘3天,店內電話響過不停,「我地做埋呢三日唔做啦,上水中心商場有分店,到時去幫襯啦。」吳先生坦言,一早已擔心業主加租,去年在上水中心廣場開設分店,但店舖面積減少近半,「呢到最終都捱唔住要結業,希望一班街坊去分店支持,延續街坊情。」

記者 譚靜雯

一格照片,一個故事,Follow蘋果Instagram!
BannerBanner