海關首控內地蜜瓜充日本蜜瓜 生果商被罰款6,000元

更新時間 (HKT): 2018.03.26 17:30
被告麥首忠(伍嘉豪攝)
(蘋果日報)

兩店店員經海關放蛇後,對記者查詢十分警惕,交談兩句便起疑問:「你係咪海關嗰啲呀?海關成日嚟搞搞震,等我認住你個樣,睇下你幾時起我底。」被問蜜瓜產地時,其中一店的阿姐斬釘截鐵地答:「唔知!自己睇(標示),我唔識睇。」另一店的阿姐則稱「呢啲墨西哥,好靚㗎。」

被告麥首忠(50歲)今承認兩項供應、及兩項管有具虛假商品說明貨品罪,指他今年1月23至24日,在桂林街及大南街兩間地舖共出售及存放了180個假北海道蜜瓜。案情指,涉案蜜瓜附有寫上「北海道」的紙條,價錢牌標明是「日本蜜瓜」。

海關調查顯示,被告從油麻地一家生果批發商購得蜜瓜,明知蜜瓜產地是中國大陸,但被告為銷情好一些,向消費者訛稱蜜瓜產自北海道。涉案兩舖店員指被告指使她們推銷時聲稱是日本貨,但被告沒告知她們蜜瓜的產地實是內地。控方指被告過往有3項不同類案底及兩項呃秤案底。

被告親自求情指非為牟取暴利只想促銷,「已經賣得好平」。裁判官反駁:「促銷都唔能夠咁,賣好平都咁話吖。咁人哋賣正貨嗰啲點?」最終就每罪判罰1,500元。裁判官告誡被告「你自己做生意應該知要老實」,明言再犯未必會再判罰款。

一格照片,一個故事,Follow蘋果Instagram!
BannerBanner