【沙士15●經濟危與機】一簽多行令水客更猖獗 好事變壞事

更新時間 (HKT): 2018.04.01 17:30

自由行攻陷的不只藥房、金舖及商場,還有水貨客重地-上水。多年來,各種打擊水貨客的行動,包括取消一周多行、限奶令、港鐵站設置大型電子磅、興建新田購物城、網民自發的「光復行動」等,仍無助上水脫離困境,上水淪陷依然。「北區水貨客關注組」梁金成直言,「係每況愈下,我真係睇唔到有(刺激經濟)喇」。在上水走一轉,新康街、符興街、新功街一帶篋陣圍繞,水貨問題從未能解決。

「水貨客關注組」在2012年成立,舉辦過多次光復行動,抗議水貨客及促政府改善問題。組織發言人梁金成指,自由行政策最初為吸引具消費力的旅客來港,但隨著09年一簽多行實施,「就好事變壞事喇」。水貨客由以往主打衣物及電子儀器等水貨,改為「乜都帶」,「總之上邊中國大陸有乜嘢係缺,或者曾經出現假貨,就乜都帶上去」。多年來他看過最「離譜」的水貨,有塗改液、衛生巾及避孕套等,「真係匪夷所思,益力多依家都仲有人帶」;13年實施限奶令,確令水貨客減少運走奶粉,「係少咗,但依家都仲可以散到奶粉嘅」。

「一簽多行」在15年改為「一簽一行」,他指問題仍未有解決,根據關注組統計,上水石湖墟水貨店數目持續上升,由2015年的241間,上升至今年1月統計出的317間。水貨客近年轉型為代購,散貨及執貨「要塞」由上水站C出口對出空地,改為直接在石湖墟商店門前,藥妝店外是一串又一串長長的篋陣。

港鐵上水站出口原設有電子磅,避免水貨客大量運貨,但現時已形同虛設。他指曾就此向港鐵職員查詢,「佢哋話依家係用肉眼判斷,我只能同港鐵講,佢請啲人非常犀利,佢對眼就係磅」。由立法會議員黃定光牽頭的新田購物城,今年2月試業,然而門庭疏落,極為冷清,無助分流上水的水貨客。

梁說,明白內地旅客增加能帶動本港經濟,「但帶貨唔會帶動經濟架嘛,利益都係落係水貨店業主同啲水貨組織到,對呢一區有帶嚟咩好處呢,有冇個環境改善咗?呢一區啲人富裕咗?」

記者 伍雅謙

一格照片,一個故事,Follow蘋果Instagram!
BannerBanner