隔牆有耳:中大段夫人好猛料 - 李八方

更新時間 (HKT): 2018.04.09 05:20

中文大學新校長段崇智唔經唔覺履新咗3個月,但佢太太Cecilia Lo從未試過以校長夫人姿態現身。八方發現段夫人原來好猛料,仲早過段校長加入中大,喺醫學院做訪問教授。

鑽研兒童先天性心臟病

Cecilia Lo係兒童心臟病學專家,本身係美國匹茲堡大學醫學院發育生物學系系主任,喺研究兒童先天性心血管疾病有卓越成就,香港都好少同佢相類嘅醫學科研人才。上年10月佢來港帶領中大醫學院心血管基因組醫學中心,希望為本地同華人兒童心臟病治療帶來突破,仲獲得中大「Vice-Chancellor Discretionary Fund」嘅資助。呢個基金係中大校長有份批,為「極具優勢及策略性」嘅研究提供資助。咦,咁咪即係段校長批畀佢夫人?原來八方諗多咗,基金曾批出三輪資助,都由中大前校長沈祖堯喺任內根據委員會審議批出,其中一個就係段夫人帶領嘅心血管基因組醫學中心喇。

一格照片,一個故事,Follow蘋果Instagram!
BannerBanner