羅導轟嫻姐冇資格鬧旺角騷亂青年 李慧琼封口拒評

更新時間 (HKT): 2018.05.21 17:26
《蘋果》製圖

羅恩惠說,當年六七暴動,很多工友都是聽從工聯會號召去參與,令工友妻離子散、失去工作,甚至要坐監,「好多人嘅一生跟隨工聯會後好悲慘」。她說,六七暴動之所以叫「暴動」是具客觀標準,「1,100多個炸彈,每個炸彈都死人架。你工聯會號召嘅人,有啲直程炸死自己……但旺角騷亂嗰班就叫暴徒?特首就連一個(旺角騷亂)調查委員會都唔願意搞,大台就不斷報道佢哋係『暴動犯』,兩者性質真係好『唔同』」。

她續指,旺角騷亂只是騷亂,絕非暴動。如要將旺角騷亂與六七暴動比較,「根本係蚊髀同牛髀」,因六七暴動中的工友都是受工聯會鼓動,而且炸彈威力強勁,當年香港更不時宵禁,「(旺角騷亂)彌敦道咁多金舖,有無人去搶?連(年初二)煙花都唔使停喎。你將呢批上街年青人類比你哋呢班正牌暴動犯,我覺得好過分」、又稱「呢班(旺角騷亂)年輕人上街,同佢哋(工聯會)周圍扔炸彈去健康院、戲院呢啲基層市民嘅地方,佢哋咁樣去殺人放火,犯呢啲滔天罪行嘅人去同我講乜嘢叫暴動,有無資格啊?」

她表示,如陳婉嫻要將兩者比較,就應先向當年的工友及全港市民鞠躬道歉,否則去指摘旺角騷亂的年輕人是衝擊國家及社會,「呢啲『迫表態』嘅情況真係好難睇。你唔嚟捍衛,但可唔可以講嘢咁無良心。工聯會用完人就棄,香港人唔係蠢到咁」。

一格照片,一個故事,Follow蘋果Instagram!
BannerBanner