工聯會收2.4億捐款疑來自財團 鄭耀棠:有咩利益衝突?

更新時間 (HKT): 2018.08.24 13:39

本報今日頭條報道,工聯會過去3年涉嫌避稅及收取神秘捐款逾億元。工聯會榮譽會長鄭耀棠今日出席香港電腦通訊節時被問到事件是否屬實,他稱自己已不是在工聯會有任何職務的人,評論職務「指指點點」對會員不公平,「我唔係管財,我無法子掌握得到」。至於是否收取平均每年逾八千萬捐款,他重申「我無法子掌握得到」不便評論。

本報獲得的工聯會財務報表顯示,工聯會2015年初至2017年底3年中,整體收入高達3.7億,當中來自會費不足600萬,佔約1.6%,超過六成收入來自捐款,3年合共有2.4億元,但財務報表未有交代捐款來源。被問工聯會曾否接收財團捐款,他說:「肯定有啦...我唔...你用財團嘅字我好難去評論,外面嘅捐款肯定有嘅。」他稱每年每屆理事會都有向代表作出報告,「我好難話你聽點講......(總之)唔係一個秘密數字」。

他稱外間捐款是來自社會、各個團體,「甚或我哋有啲會員以前係打工仔,後來香港發展,佢成為老闆,但佢對工會非常有感情,佢依然會作出對工會捐獻,呢啲情況係唔少嘅」。至於捐款者是否包括商業機構,他說:「我無法子掌握到邊個人捐過款畀我,因為我唔理邊個捐,我哋有個準則,係無條件嘅,唔附帶任何要求。」

被問是否驚作為工人組織如收取資方捐獻是否有利益衝突時,他明言「我驚乜嘢?有咩利益衝突?代表打工仔唔等於唔可以接受㗎嘛,我哋係無任何先決條件,有咩衝突?我點樣肯定捐款係老闆呢?」

一格照片,一個故事,Follow蘋果Instagram!
BannerBanner