【高鐵通車】乘客轟港鐵安排混亂 退票都排逾半粒鐘:叫我坐返虎門搞 有冇搞錯!

更新時間 (HKT): 2018.09.25 19:29

高鐵香港段營運第三日,售票問題仍未解決。西九龍站售票處下午4時許有近200人排隊等候購票,有乘客斥排隊逾半小時仍無法辦理退票,「佢哋叫我坐車返上虎門搞,有無搞錯?」亦有內地旅客指,更改班次要收20元手續費是不合理,「國內的都不用錢」。

今日是高鐵通車後首個公眾假期,西九龍站人流不絕,不少內地旅客席地而坐。售票處大排長龍,港鐵職員要高舉指示牌分流。市民黃先生早前在內地網站12306購票,排了逾1小時才成功在櫃枱取票,批評港鐵安排不清,職員指示錯誤,令他排錯隊要重新排過。他指,港鐵向他派發小紙條填寫證件編號等,再交予櫃枱職員,但他指做法多餘及浪費時間,「都無睇到,一㩒個回鄉證就睇到,我之前已經訂咗飛喇嘛」。

市民李先生則早前在虎門預購了後日由港出發,前往虎門的車票,但因事要取消行程,今午專程到西九龍站辦理退票,惟在售票處排隊約半小時,仍無法辦理好手續,預計要報銷車票,「我係香港出發嘅飛,但香港退唔到飛」,批評港職竟無相關退票機制處理,「佢哋都唔知點處理,叫我坐車返虎門退,有無搞錯?根本無可能咁樣囉,完全係無人協助,個職員態度又差」。

廈門旅客郭小姐亦花逾1小時排隊更改班次,單在櫃枱辦理手續又再花多10分鐘,「還有40分鐘就開車,都驚佢之後再搞好耐」。她斥,港鐵安排混亂,「人多排太耐,同埋唔知要排邊條隊」,又指更改班次也要收20元手續費是不合理,「國內的不用錢」。

市民阮先生早在中午12時便已到場查詢前往清遠的車票問題,但花逾4小時,問題仍未獲解答。他指,港鐵職員只是叫他到售票處排隊,炮轟港鐵作為大機構,又不是第一次營運大型鐵路,竟無法解答乘客車務問題,「我梗係唔排啦,都唔知要排幾耐。港鐵係製造混亂,只係叫人排隊,會否有點兒那個?仲慘過自己直接去深圳北買飛,都唔洗咁勞氣」。

內地旅客洪小姐指,排隊1小時才成功購得前往廣州南的車票,認為內地高鐵售票,乘客可用自動售票機取票,比香港高鐵快得多,「香港就排了很久」。

一格照片,一個故事,Follow蘋果Instagram!
BannerBanner