【九西補選】基哥參選 卿姐感奇怪:佢想劉小麗或者李卓人落選?

更新時間 (HKT): 2018.10.03 18:09

九西補選在即,對於馮檢基昨日突然報名參選九龍西補選,早前曾在網台多番追問馮檢基參選意向、但遭馮多次拒絕正面回應的劉慧卿,今午接受《蘋果》訪問時批評馮檢基很奇怪:「大家都覺得嗰個唔係大家認識嗰個馮檢基嚟,以為佢已經係轉咗㗎嘞,咁轉咗係為乜呢?可能佢就係想劉小麗或者李卓人死(落選)啦,點解係咁呢?真係唔知,但大家覺得真係好煩。」

雖然馮檢基支持劉小麗參加補選,但自己卻於昨日報名參選,並表明若提名期完結前,劉小麗的提名資格一旦獲確認,他會退選;但若政府在提名期後才確認劉小麗提名有效,他將會呼籲選民不投票給他,但劉慧卿認為,此舉或會分薄票源:「佢(馮檢基)話到時退,唔會去競選,但佢個名就會喺張票嗰度,而我哋以前都睇到,就算(咁樣)退選嗰啲人,都會攞到票。所以大家覺得好奇怪,點解馮檢基會變成咁?」

對於民主黨區議員袁海文指劉慧卿早在6月已預計馮檢基「一定參選」,劉慧卿指,這是因馮檢基在她節目上多次迴避參選意向,足以反映馮檢基不排除會參選:「你想選咪選囉,但你猛咁話未決家,但其實個心已經係好想選,咁畀明眼人望落去,都知佢想選啦!」

劉慧卿稱,一直尊重選民的獨立思考及決定,但提醒選民要運用智慧:「假如選民覺得,可能有啲人出嚟搞事,我哋唔畀佢得逞,咁選民咪要運用佢自己的智慧囉!」

一格照片,一個故事,Follow蘋果Instagram!
BannerBanner