【九西補選】歷史不一定重複犯錯! 劉小麗三招基本步拉票

更新時間 (HKT): 2018.10.03 00:03

民主派在3月立法會九龍西補選鎩羽而歸,姚松炎以約2000票之差敗給民建聯鄭泳舜;11.25代表民派上陣的劉小麗若避過DQ順利入閘,料會與建制派包裝成政治素人的前食衞局政助陳凱欣對壘。前車可鑑,劉的團隊撥亂反正,多名助選的民主派人士均指,劉着力加強民主派及地區聯繫,定位基層及以大眾方式宣傳,谷票倉兼拉攏中間選民。而劉向被認定的「自決」招牌亦未令主流民主派卻步,及早成立了「九西支援會」,總動員回歸「傳統」拉票三招基本步。

記者 梁穎妍

姚松炎採用「朱凱廸模式」,透過單車巡遊等「小眾」方式宣傳,未能針對性擴闊基層及「淺黃」選民支持,被指是落敗死因之一。而他與傳統民主派保持距離,也成致命傷,主流民主派樁腳難以埋身助攻。劉小麗團隊首先是與主流泛民連成一線,其後更加入工黨,選舉核心策劃人除小麗民主教室成員外,順理成章由工黨發動地面戰,集中向各黨派「借力」,包括民主黨、公民黨等九西區議員也曾為劉小麗開站宣傳。

「姚松炎冇呢啲嘢,又唔聯絡又唔一齊(擺站),冇乜物資畀我哋!」民主黨九龍西支部主席馮文韜指,劉小麗的地區網絡明顯較姚松炎有改善,物資更為充裕,舉例指直幡數目較上次倍增,劉亦針對性按不同地區問題,派發不同重點政策的單張,如深水埗講墟市、九龍城則集中講沙中綫,又指劉落區接觸選民時較有親和力,「冇咁離地。」

第二招是要「貼地」,公民黨油尖旺區議員余德寶亦曾開街站為劉助選,形容劉在工黨協助下策略較為「在地」,「用返傳統民主派開街站宣傳,最大分別係佢哋開街站次數比較頻密」。余透露劉小麗團隊的聯絡工作由工黨區議員麥德正負責,7月已透過WhatsApp群組協調地區人士,「佢都係區議員,知道地區工作重要性,我哋又講返需要啲咩物資,派緊乜,關注乜議題可以一齊做」,「(小麗)本身有自己街站,大家夾住去做,佢定期自己開街站,都會邀請我哋幫手,一星期50個街站就係咁解」。

他指姚松炎倡議揭弊、批評政府不公,但短時間內選民難以吸收,劉小麗則「主要係正面(政策倡議)吸引多啲選民為主,比姚教授打負面批評戰為主不同」,最後一招是打民生牌,余德寶坦言今次落區助選,「容易咗同選民溝通,特別係中間選民」,又指更多選民願索取劉的宣傳單張,「至少開咗第一個窗、開咗度門先」。

據知除透過通訊軟件,劉小麗核心競選團隊亦定期邀請各黨派樁腳會面,商議最新情況並聽取意見;有參與者透露會面即使無關核心策略,但助選者可以更了解選情。

上次有為姚松炎助選的立法會議員區諾軒指3.11選戰「聽到反響,市民話缺少民生面向」,故今次劉小麗的選舉工程,主要以沙中綫等民生議題入手,強調姚松炎擁有的房屋土地規劃專業背景是劉所欠缺,但劉走基層路線,較易爭取基層政黨支持,「如民協、工黨,本身支持呢啲政黨嘅選民,較易接受小麗」。

一格照片,一個故事,Follow蘋果Instagram!
BannerBanner