隔牆有耳:見完小明 唐偉康封口只食餅 - 李八方

更新時間 (HKT): 2018.12.14 05:20
唐偉康噚日出席展覽活動,但唔肯答傳媒問題。張志華攝

上周五突然上京約見港澳辦主任張曉明嘅美國駐香港及澳門總領事唐偉康,噚日現身以「中美貿易:過去、現在與將來」為題嘅展覽,自然成為傳媒焦點。可惜唐偉康到場後,只快手自己沖咗茶飲再食件餅,傳媒上前問佢問題,佢都只答話「This is not a media event(這不是一個傳媒活動)」,封口拒作回應。

話貿戰會中美雙贏

食飽飽嘅唐偉康,噚日上台致辭時不失幽默,話好榮幸可以出席活動,令佢可以喺聖誕購物中唞一唞,之後仲話噚日個活動場地海事博物館本來係佢鍾意嘅其中一間博物館,噚日之後就成為佢至愛喎!咁唐偉康台上仲發表過乜嘢偉論呢?其實冇乜,都係講吓香港過去喺中美貿易關係中有獨特同重要地位,話貿易係香港重要命脈。對於近日鬧得熱烘烘嘅中美貿易戰,唐偉康話相信美國總統特朗普同中國國家主席習近平最終會搵到「雙贏」方法解決喎。

一格照片,一個故事,Follow蘋果Instagram!
BannerBanner