常平載到深圳關口
內地救護車停低講數
屈港人多付三千

更新時間 (HKT): 2019.02.25 05:20

【坐地起價】

【本報訊】大灣區規劃綱要稱開展非急重病人跨境陸路轉運服務,港人馬太新春北上旅遊遇意外,坐內地救護車回港治療卻遭坐地起價,「行行下駛埋去僻路講數」,由原先3,800元人民幣(下同,約4,442港元),要求多付2,500元(2,919港元),馬太肉隨砧板上付款。其「契女」黃夏蕙痛斥內地醫療體系「不知所謂」。

記者:黎仕南 鄭大康  王麗春

馬太與丈夫於2月6日(年初二)參加由香港旅行團舉辦的惠州遊,一行15人在深圳集合,然後乘坐旅遊巴,其間在東莞行經水窪,全車彈起,坐最後排的馬太因此弄傷腰骨。她當日在常平一間醫院求診,報告指有骨折,她隨即要求回港診治,醫院表示:「過年唔會有十字車供應呢個服務。」但提供外判救護車的電話。

年初二出事 護士索利是

黃夏蕙:返大陸冇錢有病死得

黃夏蕙力斥內地這種醫療制度非常有問題:「好彩馬生馬太買咗保險先出發,否則真係會冇命,旅行社咁樣好唔負責任,掟低團友唔理,如果身上唔夠錢,又冇親人係身邊代為籌錢,又流緊血嘅話,肯定會流血不止死左。返大陸有事,冇錢有病一定死得。」她又鬧爆捷安急救轉運坐地起價:「人命嚟㗎,點可以咁中途加價,不知所謂,令人覺得返大陸玩冇保障。」

一格照片,一個故事,Follow蘋果Instagram!
BannerBanner