【李八方online】報稱肩膀「劇痛」白車送院 陳恒鑌2小時後拆繃帶

更新時間 (HKT): 2019.05.12 13:51

Facebook專頁「急症狂人 Dr Kwong」,就以陳恒鑌今日包紥左手嘅相嚟做反面教材,話如果手臂或前臂受傷,可以用三角巾做「大手掛」固定,能減少進一步受傷和減輕痛楚,逐一點出陳嘅錯誤。有網民揶揄陳呢個包法係「唔撚係掛」,仲有人留意到點解傷咗仲戴手表?同埋點解膊頭傷咗,竟然綁手?

不過,陳恒鑌可能真係因為「痛得滯」,下午4點已經call埋白車去瑪麗醫院驗傷,驗傷報告係「肌肉繃緊及軟組織受壓」,醫生開咗5種藥畀佢,究竟有幾傷,相信精明嘅讀者都心裏有數,而驗完傷之後,陳恒鑌就極速除咗繃帶,仲俾啱啱去院瑪麗探范國威嘅新同盟區議員譚凱邦影到放上網。Anyway,總之陳恒鑌就傷得好嚴重啦,大家畀啲同情心好冇?

陳恒鑌噚晚喺fb解畫,疑似推莊畀保安員,話自己俾范國威「粗暴壓在身上」,令左肩膀受傷劇痛,「事後保安人員立即為我進行應急處理,在此首先感謝保安人員的照料,不過由於忙中有錯,以致包紮三角巾方法不正確,引起有人誤會」,佢話特此澄清係想釋除疑慮喎。

民陣「反惡法」活動

資料來源:民陣

一格照片,一個故事,Follow蘋果Instagram!
BannerBanner