隔牆有耳:
小店義賣捐眾新聞 
食碗麵 撐新聞自由 - 李八方

更新時間 (HKT): 2019.06.03 02:20
老闆B哥坦言為《逃犯條例》感到無奈,「香港以前係自由開放,𠵱家變晒喇!」陳善南攝

沙田瀝源邨老字號麵店「盛記麵家」,噚日搞咗個「撐記者.食碗麵」義賣行動,上午9點至下午3點嘅所有收入,都會捐畀網媒「眾新聞」。老闆B哥話,舖頭每年都有一次義賣日,今年因自己最尊重記者,尤其最敬重曾經遇襲嘅《明報》前總編劉進圖,大讚佢有份創辦嘅「眾新聞」報道不偏不倚,所以決定幫佢哋籌錢。B哥唔只出錢又出力,仲借埋舖頭天井出嚟,畀義工搞義賣,係咁多年嚟第一次。

1,500人幫襯 生意額逾30萬

噚日好多街坊支持㗎,坐滿成間舖,門口排晒長龍,仲有唔少政界同新聞界人物現身,包括公民黨楊岳橋、記協前主席岑倚蘭、同前立法局主席黃宏發等等。八方問咗AY,佢大讚盛記出品好味道,有麵食又可以支持記者,所以朝早做完街站就即刻叫埋成班好友撐場。佢哋食麵之餘仲買咗唔少義賣小食。

一格照片,一個故事,Follow蘋果Instagram!
BannerBanner