【李八方Online】民意戰升級 網民成立《保民生●反修例●大聯盟》

更新時間 (HKT): 2019.06.14 14:58

立法會已經3日冇開大會,隨住日前警察暴力清場後,呢兩日嘅氣氛詭異地平靜,有連登仔聞到件事有古怪,亦擔心政府正醞釀民意戰反攻,所以決定先發制人,準備向中老年藍絲發動反送中民意戰。

所謂百貨應百客,要令中老年藍絲明白送中惡法問題所在,一定要用番佢哋嘅語言。唔少連登仔相當有心,製作大量適合中老年藍絲口味嘅長輩圖,深入淺出痛陳惡法之弊,而內容一針見血,例如指出通過惡法會令樓市股市玩完、助長美帝氣焰等,再者中國駐英大事劉曉明都話,中央從未指示香港修例,仲唔係證明成單嘢都係林鄭一手搞出嚟,旨在搞冧香港、拖垮中央。

《大聯盟》呼籲大家落區擺街站宣傳,多啲同中老年藍絲解釋。八方好欣賞連登仔出心出力,為咗略盡綿力,咁就幫手輕輕一推。

一格照片,一個故事,Follow蘋果Instagram!
BannerBanner