【引渡惡法】睇穿緩兵之計 學生斥林鄭挑戰港人底線:佢自稱教徒係侮辱耶穌

更新時間 (HKT): 2019.06.16 15:55

特首林鄭月娥漠視103萬人和平上街及之後的流血衝突,卻盛傳被京官訓話後隨即「跪低」,宣佈暫緩修例。不過香港市民早已表明「不撤不散」,今午仍有無數身穿黑衣的港人再度上街怒吼,要求林鄭撤回惡法,引咎下台。其中中四學生何先生斥,林鄭昨在記者會上態度囂張,認為暫緩修例「係hea緊我哋香港人,挑戰香港人底線」,促馬上撤回修例。

就讀聖若瑟英文中學的容同學與多位同學一起遊行,他批評林鄭月娥昨日宣佈暫緩是欺騙公眾,「香港人唔係咁好欺騙,我哋絕不接受暫緩,必須撤回,同埋所有負責推呢次修例嘅官員全部都要落台;撤銷6.12所有暴動罪,釋放所有當日被捕嘅示威者。」

容同學又指,若林鄭昨日肯宣佈撤回,今日人數可能會減少,但她並沒有這樣做,「佢性格喜歡鬥爭,喜歡唔認錯,所以佢唔會咁做(宣佈撤回修例),結果咪今日都係咁多人出嚟。」他又希望林鄭不要再自稱教徒,「對天主對耶穌係好重大嘅侮辱,佢做嘅嘢全部都係十惡不赦,不道德、邪惡、迫害義人,迫害爭求公義嘅後生仔,所以佢唔單止要落台,佢係要落地獄。」

對於是否支持明日三罷,容同學認為有一定作用,「三罷係一個不合作運動嘅象徵,如果大規模咁做係有佢嘅作用,表示唔妥、唔相信呢個政府,再無討論嘅餘地,除非佢作出好大嘅讓步。」不過他指由於正值考試,未必能參與罷課。

任職攝影師的劉先生亦指,暫緩修例只是林鄭的緩兵之計,讓她有更多時間爭取更多建制派利中央支持,或改用其他方式重推惡法。他批評,林鄭政府早已誠信破產,過去重建喜帖街及佔中時與學生對話等事件已可見一斑,「話暫緩無人會再信佢。只有撤回先會收貨」。

從事零售業的許先生同樣表明,對暫緩修例絕不收貨,「講廢話,覺得佢根本想拖」,認為政府隨時可反口恢復二讀,「一定要係撤回、取消呢啲字眼」。

民陣6.16反惡法遊行

一格照片,一個故事,Follow蘋果Instagram!
BannerBanner