【引渡惡法】阻人搵食未必罪大惡極 良心小店為年青人「蝕住做」

更新時間 (HKT): 2019.06.17 00:24

接近200萬人走上街頭,令半個港島幾近癱瘓,汗水和淚水就只是換來林鄭透過冷冰冰新聞稿的一句「致歉」。付出的不止烈日下走上街頭的市民,還有遊行路線的店舖,有人為了年輕人不惜「蝕住做」,亦有商戶為遊行人士送水打氣。

「如果我唔係要返工,我都出去呀!」專賣椰子產品、位於軒尼詩道的其星椰子專門店,店長鄭小姐表示,周日本來生意就較淡靜,今日生意雖較平日下跌約3成,但她稱沒有所謂,亦有遊行人士入店買水及椰青水,何況自己亦反對修例,在海富中心經營「龍門快餐」的老闆袁先生至晚上10時仍為遊行市民預備飯盒,不少年輕人就在店外席地而坐進膳。袁先生說,上周五一名年輕男客人到其店「放低1,000蚊,叫我哋免費送啲飯畀細路仔」。店舖平時周日休息,但今日回店修理電腦時,看見有不少年輕人遂決定開店,並以低於8折的價錢賣飯盒,又免費送汽水凍飲,「嗰1,000蚊用盡啦,用多過啦,唔可以話蝕嘅,咪賺少啲囉。見到啲細路仔咁,無可能唔整飯畀佢哋食」。

袁先生說,即使店舖不用整電腦,今日也會回來開店,不會計較生意。他指上周三警方施放多枚催淚彈驅散年輕人,令他感到心痛,「佢哋始終係細路。我哋有開舖,都有聞到好攻鼻醃眼,好多細路仔走咗入嚟洗眼」。對於港府早前硬推修例,他說無人樂見發生上周的百萬人遊行和流血衝突,「100萬人嘅力量政府你都唔聽,我哋一個兩個就只能盡力去做,幫得就幫」。

同樣位於莊士敦道的茶餐廳「波士冰室」負責人羅先生則指,與上周日遊行一樣,受惠於人流暢旺,生意額比平日多一倍,大部份食物提早一個半小時已售罄。他指,支持市民上街表達意見,「只要唔好有暴力衝突就冇問題」,大部份光顧食客皆為遊行人士,「大家都好心平氣和,唞吓食吓嘢」。

位於軒尼詩道8至12號地下的西餐廳「Tomato Story」,今日免費向遊行巿民派水及借出廁所。老闆曾先生表示,612當天也有這樣做,「小小心意啦,我覺得我自己做唔到嘅嘢,有人幫我做咗,所以我想幫返佢哋」。他說,很多巿民進入餐廳要都會向他道謝,有遊行人士擁抱他,甚至有一個學生講完多謝後哭了出來,「呢啲位我都覺得感動」。對於警方定性為暴動,曾生說,九成接觸到的示威者都是很平靜的人,他們只想發聲,根本不是想打警察。記者問到會否擔心餐廳日後被建制派追擊,他指自己只是一個小餐廳,相信不會被騷擾,「如果咁都俾人搞,咁我真係返大陸開餐廳好過啦」!記者做完訪問後也獲老闆贈水,臨走時老闆再多說一句:「你哋都要加油呀!」

不過有商戶受遊行影響較大,福臨門魚翅海鮮酒家負責人韓先生指,原本父親節晚市預約全滿,預料可招待近300位客人,但因受遊行封路影響,部份客人需徒步走入餐廳,有別於平時座駕可直接停泊在門口,最後一半客人臨時取消訂座損失慘重,附近同類型的高級食府更索性休息一天。福臨門今日更長期落半閘,韓先生指,有客人反映遊行人數太大,「好有壓迫感」,憂慮早前警民衝突再現,會有示威者衝入餐廳內,為顧客安全著想,做好防範措施。

一格照片,一個故事,Follow蘋果Instagram!
BannerBanner