【引渡惡法】留學生回港聲援反送中 步出機艙即被截查

更新時間 (HKT): 2019.06.20 22:23

在澳洲讀大學的E先生,昨日經吉隆坡轉機返抵香港,一步出機艙艙門時,即見登機橋站有10名便裝探員,並隨即被其中兩名探員截停。他初時以為探員欲檢查隨身行李,正想打開背包,但對方卻只是向他查問,「問我點解返嚟、去咗幾耐、返嚟目的係咩、讀邊間大學」。探員同時要求他出示護照及學生證,但只是查閱,並無筆錄。

E先生指出,當時同時間有3位年齡相若、學生年紀的香港人被截查,「有少少緊張,係咪我做錯咗咩事,所以無問到原因」,但現在回憶,同機無論是其他港人家庭客或外籍旅客都無被截停,「覺得係針對你哋班後生仔,感覺即係『你哋返嚟香港係咪又想一齊搞事啊』」。

E先生坦言自己是香港人,回家是自己的權利,「香港人唔可以返嚟香港?要返嚟香港要經過你哋一連串問題先畀我過關?」又對警方不去打擊恐怖分子,反而針對年輕人感到憤怒,「佢哋唔係驚恐怖分子嚟Check你行李,反而係驚一班香港年輕人返嚟香港參加示威行動」,認為今次行動相當過份。

有在新加坡工作的港人亦有類似經歷。讀者陳小姐向《蘋果》表示,因不滿6月15日林鄭在記者會上的發言,她買了一張即日來回機票,16日一早身穿全身黑衣、帶同輕便行裝到港參與遊行,但一步出機場接機大堂,即有警員上前截查,「問我留幾耐,又問咁急即日來回做咩」。陳小姐指當時即回覆「我做咩要答你」,警員僅稱是抽檢,籲她不要緊張,「但我見到佢好緊張」,相信是擔心引起在場其他旅客注意,亦意識到自己不會就範,匆匆查問兩句就離去。她坦言自己來回港星兩地五十多次,今次是首次被警員截查,「仲要係咁sensitive嘅時間,我覺得完全無必要。」

接到E先生求助的民主黨立法會議員林卓廷表示,現時正值暑假,留學生回港相當平常:「點解要咁問呢?香港係佢哋屋企,放假返屋企好正常。」他根據該名留學生所描述的情況,認為與6月11日晚警方在金鐘港鐵站內隨意截查年輕人的行動類似,同樣無特定目標,並專門針對年輕人,在這個時間點上,令人懷疑與反送中示威有關,稱警方有需要交代清楚行動目的。

民主黨涂謹申炮轟警方的做法是「無聊、幼稚嘅舉動」,反問當局「返香港嘅學生當中有ISIS返嚟?有拉登嘅馬仔呀?」涂認為警方此舉只有一個目的,就是威脅學生「警察而家關注你」。

他強調,現在社會已處於極大的割裂、撕裂狀態,其中一個撕裂層正是青年與政府之間,而警方這種無聊、無謂、惹起眾怒、令人不解的做法,只會再刺激年輕人的神經,狠批「呢個真係無聊頂透嘅行為,我真係唔知警察做緊乜」,尤其經已有200萬市民上街,再多幾名留學生又能如何。

他批評,警方的舉動無非要令市民知道,警方「好威、有威權、有警察、有武力、有威脅」,這正是目前社會最不想聽到的訊息。涂亦警告港府和警方,警方再作出這種威脅學生的行為,變相證明是林鄭政府、保安局局長李家超所下的指示,涂促請李家超下台。

警察公共關係科回覆指,警方昨日並無相關行動。《蘋果》收到警方回覆後再向E先生查詢,E先生指當時便裝探員身上有佩戴警員委任證,「咁截停我嗰啲係咩人嚟?唔通求其一個人截停然後問啲咁嘅嘢?」入境處指昨日下午沒有在機場進行相關行動。海關表示,昨日下午在香港國際機場進行例行反走私及緝毒行動,對旅客進行抽查,行動中未有發現違禁品。

一格照片,一個故事,Follow蘋果Instagram!
BannerBanner