【蘋聞追Click】建制派拖市民所急 區議會避談送中惡法警濫權

更新時間 (HKT): 2019.06.24 06:00

《逃犯條例》激發百萬港人上街,但區議會討論聲音寥寥可數。建制派憑藉人數優勢,在西貢和北區區議會否決討論修例。反修例議員佔過半的深水埗區議會,主席張永森押後區議會大會日期至7月19日。當議員要求召開緊急特別會議,張永森卻以未簽名作實拒絕開會。有民主派區議員指,建制派極力避免投票表態,「邊個講邊個死,唔想有投票紀錄。」

記者 潘柏林

十八區區議會主席5月聯署支持《逃犯條例》提交立法會討論。民協區議員譚國僑指出,報稱獨立的主席張永森自行參加聯署,但深水埗區議會逾半議員反對修例,包括11位泛民主派和1位獨立區議員。他們原本計劃7月2日在區議會大會討論「送中條例」,但張永森竟押後會議至7月19日,並無諮詢區議員。

譚國僑指,6月9日百萬人上街遊行後,12位反修例區議員已要求召開緊急特別會議,動議林鄭政府撤回修例。但張永森覆函稱,有關文件涉及動議,按會議常規要求12位區議員簽名核實。他又稱6月要處理私人事務,時間比較緊張。譚國僑質疑主席阻撓開會,「我唔明點解主席唔召開,係咪因為佢支持過林鄭送中條例?」

他強調,會議常規第8條列明,只需過半議員便可召開緊急特別會議,並無要求區議員簽署,反問是否建制派擔心一旦開會,就要投票表態,「你喺議會上面夠唔夠膽講支持(修例)呀?我覺得佢唔夠膽。」譚國僑指,主席拖延開大會,一眾議員惟有在下星期的房屋事務委員會加入討論《逃犯條例》議程。

建制派亦在多區阻止討論《逃犯條例》。西貢區議會主席、民建聯吳仕福否決在7月2日大會討論《逃犯條例》。北區區議會6月13日舉行大會,泛民主派曾提出臨時動議討論,遭建制派以優勢票數否決討論。

有資深民主派區議員分析,建制派千方百計阻止討論修例,因為擔心影響11月區議會選舉,「邊個講邊個死,唔想有投票紀錄。」他認為,若深水埗順利開大會,料成為第一個區議會通過反送中動議。

建制派不止拒絕討論修例,連警方濫權爭議亦避談。民建聯區議員、大埔區議會主席黃碧嬌指,警務處處長盧偉聰日前召開記者會,回應議員大部份問題,拒絕民主派提出的動議。

灣仔區議員楊雪盈上周動議譴責警方濫用武力,卻無區議員願意和議,令動議作廢。她慨嘆:「人數唔夠就係唔夠。」楊雪盈強調,現時全力推動撤回送中惡法外,市民亦應把握機會7月2日前登記做選民,「如果我哋而家唔做,限期一到,投票時候又係企喺度。」她希望市民爭取每一條戰線,「呢個議題係有200萬人關注,我哋全港有冇200萬選民投票呢?」

譚國僑指,建制派在「反送中」一役引起民意反彈,未來料加強籠絡選民,「我噚日講笑咁講,呢幾個月我哋啲街坊、老人家就有福啦,好多嘅服務、蛇齋餅粽。」他強調,非建制派仍要繼續爭取民意,亦要提防中共派人「鎅票」。

登記做選民 7月2日截止

一格照片,一個故事,Follow蘋果Instagram!
BannerBanner