【引渡惡法】男神王宗堯冀市民勿被分化:割席咁蠢 建制派先做!

更新時間 (HKT): 2019.07.02 19:29

7.1也與53萬人上街「反惡法」的藝人王宗堯,今午曾在立法會外現身,也到連儂牆外拍照。對於昨晚有示威者闖入立法會,王宗堯接受《蘋果》訪問時認為,示威者只是宣洩不滿,批評特首林鄭月娥一直未有回應示威者訴求:「我見到佢哋(示威者)就算有做一啲適量嘅破壞都好,都係相對地克制,知道自己做緊乜,係一種對(政府)一路唔回應訴求嘅宣洩」,斥林鄭聲稱要與各界溝通,願聽民意,但無論幾百萬人上街,也未作實質回應。

外界質疑警方突然撤離是「設局」,王宗堯也有類同質疑:「(政府)仲特登揀一個……先去退縮再去部署好,畀你有嘗試闖入立法會幾個鐘嘅空檔期,再喺完咗晚間新聞之後去清場」,繼而警員於沒有大量媒體拍攝下,截查車輛及抄牌等,以作「秋後算賬」,企圖引起輿論壓力,「嘗試去分化大家」,尤其指林鄭清晨召開記者會時,開場白即提到見到7.1有兩個極端畫面,王宗堯直指:「割席咁蠢嘅行為,建制派先做,希望有智慧嘅香港人繼續團結,因為佢(政府)最想我哋分化。」

而林鄭於清晨召開的記招,旨在譴責暴力,沒有回應市民訴求,王宗堯直指記招內容「香港人都預咗啦」,「只不過佢好阻住香港人瞓覺」,諷指「如果佢係要繼續waste our time去聽佢講同一番話、畀佢去邀功,我覺得冇乜需要囉。」他明言對林鄭回應示威者訴求不抱期望,「一個年年考第一嘅人、唔係好接受到有失敗嘅經驗、但其實一個聰明嘅人,係可以喺失敗中吸取教訓。」他也寄語港人適時放鬆,「雖然大家好攰、好嬲、會好無力嘅時候,但都希望可以都放鬆吓,今個禮拜做少少平時自己會做嘅娛樂調劑吓,但唔好喺呢個氣氛中過份沉溺」,認為需繼續令國際媒體關注港人訴求。

一格照片,一個故事,Follow蘋果Instagram!
BannerBanner