【引渡惡法】胡志偉促777下台前「執好手尾」 鍾國斌籲林鄭晤民主派勿「講咗唔做」

更新時間 (HKT): 2019.07.03 17:00

鍾國斌指,香港社會撕裂的情況「嚴重到不得了」,較佔中時更嚴重。他又稱,最近聽到很多人十分切實地考慮移民,他在反思究竟想移民的港人,是否已對香港將來沒有信心和感到迷茫,他稱特首林鄭月娥既然說會多聽各方面意見,改變施政思維模式,便應盡快會見民主派:「(林鄭)講就講咗好多,但大家未見到,佢係咪要去積極去做、行第一步?點樣聆聽呢?係咪聽日搵胡志偉傾吓偈?呢啲一定係政府行第一步。講咗唔做,社會條氣會更加唔順。」

林鄭民望創出歷任特首新低,鍾國斌認為,現時社會對政府的信任很低,質疑有否落實問責制:「咁大件事,呢個問責制要嚟做乜?」他又指,律政司司長鄭若驊和保安局局長李家超在今次事件上負責執行,所以兩人責任相對低,「你話特首換人,我相信目前情況好難。」他指政府說會改過,但沒有行動,不能服眾,「係咪最基本要改革行會,行會人係你智囊,今次係咪失效呢?行會有啲成員自己都漏咗消息,話佢哋討論呢個問題(《逃犯條例》修訂)時有啲唔協調。」

民主黨胡志偉認為,林鄭要在下台前「執好手尾」,包括改組行會、揪出要負責的官員,因為接任人要處理其「爛攤子」,某程度上會令該人舉步維艱。

一格照片,一個故事,Follow蘋果Instagram!
BannerBanner