【逆權運動】TVB「御用惡霸」爆粗辱罵圍新城市青年:X你老母個腦生喺籮柚度

更新時間 (HKT): 2019.07.17 22:25

沙田新城市廣場日前史無前例爆發警民大混戰。負責管理商場的新地,被批評「引清兵入關」,讓大批防暴警察進入商場包抄抗爭者,引發嚴重衝突。商場詢問處連日被逾千計市民包圍抗議。無綫電視劇集「御用惡霸」演員鄭家生今晚(17日)近8時途經商場時,一度以粗言辱罵包圍詢問處的一眾青年:「X你老母,個腦生喺籮柚度嘅!」更對少女惡言相向,有如爛佬:「點吖!你想點吖!」其後有人勸他離開,沿途仍有不少人向他喝倒采。

曾在無綫電視劇集飾演警察和黑幫的鄭家生認為,商場保安當晚不能阻止防暴警闖入,批評眾人不應包圍詢問處,「呀X你老母啲人有冇腦架?讀咁多書嚟做乜嘢呢啲人,黐黐哋線嘅真係」。對於青年反駁「唔關你事」,鄭似乎聽不入耳:「咁我講嘢關你哋X事咩?」其後雙方互相對罵,青年斥鄭「蝦女人」,鄭相當激動,更撩對方「隻揪」,不斷高叫「打我吖?」要由在場攝影記者拉開和勸退。

網民點睇

一格照片,一個故事,Follow蘋果Instagram!
BannerBanner