【警黑勾結】罪證曝光!八鄉指揮官拍膊頭叫白衫佬唔使擔心:心領幫忙

更新時間 (HKT): 2019.07.23 14:35

元朗本周日晚有數百名白衣人湧現,手執鐵通、長棍和藤條等,瘋狂襲擊區內市民,惟市民向警員求助無門;多家警署落閘,報案中心長期打不通,全城陷入一片惶恐。今日流傳一段約半分鐘的短片,片中見到八鄉分區指揮官李漢民,帶同逾30名警員,與白衣人輕鬆交談。其中1名戴口罩、身穿白衣的中年男子不斷問李,市民「走晒未?趕晒上車未?」,更指警員無法驅散市民,會代勞幫忙,爆出一句「再斬我哋就麻X煩啦」。

另一頭戴白帽、穿黑衣中年男更謂,早前在沙田新城市廣場的警民混戰中,示威者把警員「手指都咬斷」,豈料同穿白衣的李漢民拍拍該男子的肩膀安撫他:「心領嘅,唔想大家嘅幫忙,令到我哋辛苦」,籲現場白衣人不用擔心。另一人回應:「最緊要佢哋走晒,我哋就散」。

李漢民早前回應記者提問時,態度囂張,語氣輕佻,又用不屑語氣回應記指「你唔好質問我啦!我亦都唔會答你只係一個記者問題」,直言記者問題「唔會令我驚架!」。但在流傳片段中,白衣人語氣粗獷,又不時手指指,說話多配肢體動作,李則無就他們的「提問」提意見。片中亦拍攝到一名白衣人側臉,疑為激進建制團體、前警員「大波Man」石房有,與其他白衣人士站在同一陣線,與李漢民對話。

蘋民點睇

●Bosco Wong:吓?上水?但背景條天橋明明通去元朗「Yoho Mall」喎?

●Vincent Li:橋係元朗,而且光復上水係7月13日發生,片段中有村民講到沙田咬斷手指,斷手指係7月14日在沙田發生,段片一定係7月14日或之後影,邊有可能係7月13日影?除非有預知未來能力

●Cherry Chan:你話係上水時拍我就要信?聽清楚喇,白衫人問佢地走晒未,未我地就再上去打過,乜上水有白衫打人咩?克警你可以唔理市民,但唔好當市民係傻既。

●Kelvin Pun:越解釋越黑,上乜水丫。時程錯曬,先上水,後沙田。片段中班鄕親仲講緊沙田咬手指單野

●Shirley Ho:「光復上水」關元朗咩事呢?八郷指揮官又管埋上水?有冇人可以解釋下?

●Vincent Li:光復上水係713發生,斷手指係714在沙田發生,段片邊有可能係713影?

一格照片,一個故事,Follow蘋果Instagram!
BannerBanner