【逆權運動】大埔街坊依舊外出「行街散步」 斥林鄭派錢施恩無意思

更新時間 (HKT): 2019.08.10 18:05
陳小姐(左圖)呼籲港人「錢要照袋,自由要照爭取!」黃生(右圖)批評警方受包庇,亦不懂控制情緒。周詠雯攝

由民間發起的大埔遊行,遭警方發出反對通知書後,上訴更被駁回,申請人最終宣佈取消遊行,但仍有不少市民依舊外出「行街」。

對於今日大埔遊行被警方發出反對通知書,今日來大埔「行街」的梁先生指港人有遊行及集會的自由,希望政府尊重《基本法》所賦予港人的權利,「好多市民都係和平遊行,我哋行出嚟先表達到我哋嘅意見」,著眼於五大訴求,缺一不可。他續指,警方執法準則不應如此模糊,「如果行過都拘捕,咁就係想營造白色恐怖」。至於特首林鄭月娥近日轉打經濟牌,又有傳施政報告將有派錢措施,梁生指今次修訂風波並非因經濟問題引發,「總之佢無回應到我哋嘅訴求,呢個運動都一路繼續」。

大埔街坊黃生黃太帶同黃小朋友「行街散步」,對於今日遊行無不反對通知書,黃生指「是非黑白都倒轉晒,有同無其實都無乜所謂」。黃指,自己最大訴求是成立獨立調查委員會,因現時「警察同黑社會合作係好過份」。他批評浸大學生會會長買觀星筆時被捕並不合理,「警察可以亂咁拉人,咁邊個拉警察呢?」批評警方受包庇,亦不懂控制情緒,「鍾意扑頭就扑頭……不如宵禁啦唔好出街啦!」至於為何帶同兒子出來,黃指「好安全喎!無警察嘅地方就好安全」。黃小朋友形容警察為「gangsters」(歹徒),黃生指其子小時候已經想成為警察,近期亦無改變,不過原因就變成「要做警察保護啲哥哥姐姐,做個好人嘅警察」。

黃生直言派錢並非解決問題方法,並指自己是生意人,「我啲生意反而好咗,無差過」。黃太則批評「林鄭用我哋啲錢施恩畀我哋,係無意思嘅,寧願諗下啲錢點樣用得其所,唔好走去起啲假大空嘅基建,關心下教育醫療」。

陳小姐就批評警方不發出不反對通知書,「就係想再名正言順啲拉你」。對於有消息指施政報告將會派錢,陳小姐批評「我嗰四千蚊都仲未收到!」亦不感受到經濟變壞,呼籲港人「錢要照袋,自由要照爭取!」

大埔街坊Matthew表示,每次出來參與集會遊行都是因為政府仍未回應五大訴求,「佢就話the bill is dead,但我哋係要withdrawal the bill」,認為林鄭一直和港人對着幹。對於是次大埔遊行已發出反對通知書,Matthew認為是警方要讓參與者害怕不敢出來,「所以每次都發反對通知書,但我覺得唔可以因爲咁樣驚而唔行出嚟」,直言雖感有壓力,但不可因此而不站出來發聲。

同樣是大埔街坊的馮先生直言參與今次遊行是「因為我本身住大埔,方便」,他指即時警方已發反對通知書,但仍然要站出來發聲,「如果唔行出嚟反對,咁香港就無㗎啦」,表示不會太擔心,又指自7月後已有被捕的心理準備,「再加埋有白衣人打人之後警察唔理,我覺得已經無咩所謂啦」。他指幾乎每次反送中的遊行集會都有參與,現時遊行終於來到大埔區,直言「大埔人一定要出嚟」。

70多歲的王太與朋友出來參與遊行,自言無法站得太前,「但仍然想出嚟支持年輕人」。本身居於另一區的她明言是特地前來大埔支持,對於警方已向遊行發出反對通知書,她指自己是「同朋友嚟行下街姐」,直言並不擔心,「政府咁鐘意拉咪拉晒全香港啲人囉,依家有咁多人出嚟遊行,有本事咪拉晒佢囉」。她又批評林鄭現時出來回應是「次次都出嚟講大話,次次都喺度發噏風,日日都喺度放屁」。

一格照片,一個故事,Follow蘋果Instagram!
BannerBanner