【逆權運動】CCTVB散播白色恐怖 員工貼連儂牆都被炒

更新時間 (HKT): 2019.09.08 00:10

上月23日,無綫電視突以「市場不穩和政治動亂拖累」為由解僱約20人。雖然無綫曾表示裁員與政治因素無關,但多名被辭退的員工向《蘋果》指出,參與過設置連儂牆、張貼「反送中」訴求標語紙、上載員工證等行動後,都落得「炒魷」命運,「喺呢間公司做得呢啲嘢,老實講都預咗炒,但係咪就甘心唔發聲?點解講吓政治嘢(下場)要好似做犯咁?」他們都擔心,無綫欲一網打盡不聽話的員工,他日要製作唱好大陸的節目,諂媚尺度更大、反對意見更少。

記者 于健民

化名受訪的阿B及阿文均是「90後」,畢業後加入無綫電視做長工。綜藝科導演阿B說,不少同事心底支持「反送中」運動,卻為了生計而選擇沉默,血氣方剛的他感到鬱悶,「8月5號大罷工之前,內部都有通知話千祈唔可以罷工,我知我哋好難罷工,所以就諗有咩方法做吓試吓。」

翌日凌晨,阿B與製作部的阿文到6樓綜藝科的後樓梯貼起連儂牆,延伸到8樓藝員組。沒過多久,保安撲至,狠狠撕走兩人的心血,阿B說「我都唔知有幾多同事睇到呢幅牆,但拆得咁快係幾意外,之後後樓梯就長期有保安企喺度」。之後兩個多星期,二人如常工作,以為公司不會秋後算賬;其實是時辰未到,8月23日,他們與其餘十多人收到電話通知,即日被辭退。

「3點幾收到電話,嗰時監製都未知咩事,到6點幾我先聽到話,係保安部同人事部決定、冇人challenge到、呢個決定唔係簡單呀咁。」直至聽聞那些曾上載員工證、帶文宣物品及頭盔回公司的同事也遭殃,阿B及阿文才聯想到自己的「死因」。阿B承認曾在社交平台發表不少「反送中」言論,又曾大罵警方記者會似做騷,「但都係我私人生活一部份,公司無權管我哋。」4日後,他們欲返無綫執拾個人物品,卻被拒諸大閘外,要靠同事幫忙,再在同事眾目睽睽下,簽收離職支票。

阿文說,雖明知無綫親中,「但係整連儂牆都唔係激進行為吖,點解對咁小嘅事都要趕盡殺絕?你係會製作新聞嘅,唔係應該容許有不同意見發表咩?作為咁大間電視台,係好無道理。」他指,無綫5年前佔中時期爆發新聞部自我審查風波,5年後白色恐怖更嚴重,也反映公司沒有大企業應有的包容與器量。

除了他們,無綫助理總經理余詠珊愛將、劇集《機動部隊2019》監製李志倫上周也被解僱,外界盛傳與他曾把「黑白是良知」五隻大字貼在辦公室玻璃有關。阿B及阿文認為,「大清算」過後,無綫再拍宣傳內地、唱好大陸的節目,員工縱再多不滿也只能繼續啞忍,「一直以嚟,都不時拍宣傳解放軍呀、大灣區呀等等嘅內容,但都會包裝一下,我諗之後都唔使啦,直接hard sell算數」。

香港人權與民主法案祈禱會

一格照片,一個故事,Follow蘋果Instagram!
BannerBanner