【自說自話】闖禍「散仔警」鬧道歉上司 金句男促林鄭為張建宗平反

更新時間 (HKT): 2019.09.27 03:42

特首林鄭月娥首場社區對話會,未有回應民間4大訴求,僅如錄音機般舊調重提。反觀,很多被抽中提問的市民,發言一個比一個精闢獨到,金句連連!在昨晚(26日)對話會後段,一名穿黑白間條衫的年輕男子在總結發言時,指政務司司長張建宗早前為警方在元朗7.21恐襲的失當道歉後,其下屬、警察員佐級「散仔」協會主席林志偉公然以下犯上鬧對方,「成何體統呀?如果我喺私人機構,已經第一個俾人炒咗嘞」,要求林鄭為張建宗平反。

該男子首先直斥,林鄭班子在過去兩個月的表現只值零分,她所謂長期積壓的政治問題,「呢個弊病,就係你哋大大小小嘅政府官員,做錯嘢,係唔認錯㗎」,恃着在立法會功能組別有足夠票數支持自己,「誰大誰惡誰正確,咁咪去囉」,結果今年硬推「送中惡法」,激發巨大民意反彈。他驚訝反送中風波爆發至今,仍沒有任何官員辭職下台,「甚至乎一個低過45°角嘅鞠躬道歉,我都唔見有。」

他亦不滿身為林鄭「內閣」的行會成員,也沒有任何人要為此負責,「例如十一哥湯家驊,係法律專業人士,應該畀好多意見你」,但在6.12爆發首輪衝突後,仍毫無政治觸覺,為何不被撤換。另一行會成員羅范椒芬公然引述謠言為「證據」,聲稱14歲女示威者被誤導成為7個男示威者無套性交的「慰安婦」,但林鄭身為女性,並無譴責,「但點解你冇我相同嘅憤怒呢?」

「點解7.21冇警察查白衣人ID搜身?」

7.21元朗恐襲當晚,他從直播目睹港鐵西鐵綫列車遭恐怖襲擊,但「最恐怖係凌晨3、4點嗰時,RTHK、now、有線佢哋喺南生圍影住個村公所,跟着影住我哋嘅香港警察,入咗去之後就閂埋度門,唔知講咗啲咩喎,10幾分鐘後出嚟。跟着警察就上咗車,而企喺度嘅防暴警察呢,就好似喺車底度,求其搜咗啲嘢,跟着就走咗去嘞……好多嘅白衣人喺度,點解冇警察去查佢哋身份證?冇人搜佢哋身㗎?」

而在剛過去的周日,兩名女子在元朗「大馬路」駕車時,因被指隔着車窗玻璃,向警察講粗口,突然被幾個防暴警拉下車,不但用警盾毀壞人家的車門,更要兩女踎在牆邊、手放在後腦,納粹式被查和搜車。「警察對白衫人、對福建幫個態度,同埋對一般市民個態度,會(相差)咁多㗎?」他直斥警察在過去數月執勤時,多不展示編號,如有牌爛仔,「打咗都唔知係邊個㗎」,即使向監警會投訴,也會被視為沒有充份證據,指控被列為無法屬實,難怪港人不信任監警會,反問林鄭「願唔願意而家立一道行政命令」,要求所有警察清楚展示其編號。

轟散仔主席鬧上司「成何體統?」

他最後提到,政務司司長張建宗在7.21元朗恐襲後,為警方應對失當道歉,「佢話警察處理方法好似有少少唔好喎,但係『散仔』……呀唔係,唔好意思,係(警察)員佐級協會主席,阿林志偉呢就出嚟,鬧番阿張建宗。」他叫大家想想,若他在私人機構任職,工作時犯錯,上司替他補鑊、道歉,「我唔忿氣,我打番電話畀個客,就鬧:『我上司黐線㗎!佢亂講嘢。』咁樣,成何體統呀?如果我喺私人機構,已經第一個俾人炒咗嘞。」他問林鄭會否為其下屬張建宗平反,並祝「願榮光歸香港」。

林鄭對他的多條問題,均未有正面回應,僅稱會「認真思考」眾人的提問,「有啲涉及底線嘅要求,會為香港帶嚟嚴重後果嘅建議,或許我哋真係冇辦法可以全盤接受。」

-----------------------------

9.28五周年集會

10.1國殤遊行

一格照片,一個故事,Follow蘋果Instagram!
BannerBanner