【李八方online】「你支唔支持警察開槍呀?」 龐愛蘭被問到口啞啞走夾唔唞

更新時間 (HKT): 2019.10.02 12:28

香港警方向中五生近距離開槍後,10.1自此形同港殤,唔少市民表明往後每年嘅10月1日,必定以黑衣悼念香港曾經有粒刺穿人心的子彈。而在今年底舉行嘅區議會選舉,建制派候選人自必被追問關於警暴立場,事實呢次亦是一場價值的抉擇,選擇站於200萬人抑或777小圈子選出的特首一邊?結果影響深遠,而針對警員昨天發出的一槍,料建制派亦避無可避,必須回應。

導演蔡錦源則喺facebook分享短片,指今日上午喺火炭遇上當區區議員龐愛蘭,當時只向對方問咗一個簡單問題:「想問一句,你支唔支持警察開槍呀?」,片中所見龐愛蘭似乎措手不及,聽畢後神情錯愕,繼而不發一言,欲喺兩助手陪同下離開;其後蔡錦源再追問:「你支唔支持警察開槍?點解咁簡單嘅問題都唔答?」,龐繼續左顧右昐未予理會。

冇答案有時就係一個答案。帖文最後補充:「狙擊建制,唔一定要力竭聲嘶咁鬧」;確實,有時以婉約態度提出問題,似乎比破口大罵來得更有殺傷力。

一格照片,一個故事,Follow蘋果Instagram!
BannerBanner