【黑色10.1】惡霸女警唔認係港人 喝記者「邊條法例畀你影?」被一句KO

更新時間 (HKT): 2019.10.02 19:16

10.1「港殤」的各區抗爭,持續至深夜,警方的失控情緒同樣持續。其中在北角,警方晚上近10時不滿記者,站在只有警車停泊的英皇道上,拍攝其搜查和拘捕過程,不斷逼記者上行人路,阻礙採訪。其中一名防暴女警更發惡,喝罵網媒「立場新聞」的男記者,有如潑婦:「邊間館呀你係!邊間館㗎!邊間報館呀!問你呀!」

當記者表明是網媒「立場新聞」記者後,女警反問:「網媒,咩網媒呀!立場咩新聞呀!」記者回敬:「立場咩新聞唔識呀?你係咪香港人呀?」女警不甘示弱:「(立場新聞)唔識喎!唔係(香港人)!」然後對一眾記者不斷高叫「向後行」。另一女警向記者挑機:「邊條法例畀你影呀!」記者拋下一句:「《警察通例》39章5,你返去睇清楚先啦!」

其後再有防暴男警情緒失控,罵記者「點解你要企喺度(防線前方)!係咪幫暴徒!你係咪暴徒!」記者反問,為何站在行人路拍攝就是暴徒,男警直斥「冇得解!」

而在旺角,有防暴警與網媒「香港獨媒新聞」記者口角。警員指斥該網記者沒有記者證,惟記者則反駁「有證都俾你打」。隨後防暴警員向該記者發口頭警告,指其涉阻差辦公。其後一名穿記者背心男人被警方拉上車。

一格照片,一個故事,Follow蘋果Instagram!
BannerBanner