【抗暴之戰】堅稱泛民煽動少年上街 陳健波自豪「收成期論」:好多中產多謝我

更新時間 (HKT): 2019.10.14 19:42
許頌明攝

因拋下一句「而家係我嘅收成期呀嘛」、批評示威者破壞其晚年生活而廣成市民嘲諷對象的「零票當選」保險界立法會議員陳健波,反指自己發表「收成期」言論後,「好多中產多謝我講呢樣嘢」,批評年輕人不應破壞年長人士的「成果」,又指若現時香港示威持續,「青年將來更加無運行,將來會更加痛苦」,並繼續指控如果不是民主派議員煽動,年輕人就不會上街。

立法會財務委員會下午加開馬拉松式會議,選舉正副主席。多名民主派批評陳健波不配擔任主席。陳則指,席上很多民主派議員對他的批評都是「一派胡言」,又指政府是否將警察加薪的撥款申請與公務員的加薪撥款分開表決,是政府而非其決定。陳健波最終在建制派佔多數下,繼續成功掌控財會,當選主席。

陳健波在會後見記者,稱相信選舉結束一刻,最開心的是主持會議的陳振英,「因為佢唔使再面對我嘅同事啦,但我就會展開一年好艱辛做主席嘅情況」,聲稱面對困難不會退縮,希望盡力「為香港人撥多啲款」。他又指自己是第5年任財委會主席,「我係歷史上做得最長嘅財委會主席,我覺得我最有經驗」,又相信本周內都不能選舉財委會副主席,或至下周才能舉行,但亦未必能完成選舉。

會上以自己多次與特首林鄭會面為例,說明自己十分「愛港」的陳健波,在會後指自己會力促政府「扚起心肝」,想辦法解決當前政治困局。他又自爆與林鄭多次會面其間,一直表達希望政府成立獨立調查委員會,「但好可惜,政府同我講咗好多次,佢哋係驚警隊嘅反彈,呢個亦係都係事實嚟,而家呢個警隊係撐住香港,但同時受到好多冤屈,有個別嘅警員係有施暴,我哋睇到畫面都覺得有啲行為係不適當嘅」,但他認為應只針對違規警員採取行動,而不是針對全港3萬警員及其家人。

他指政府若願意成立獨立調查委員會,起碼6、7成香港人「收貨」,現時困難在於政府至今未能說服警隊,令他們覺得獨立調查委員會不是針對警隊,「呢個係切切實實嘅問題」,同時指若在未能解決警隊擔心下成立獨立調查委員會,只會令警隊「放軟手腳」,令香港大亂。

對於林鄭曾否認不成立獨立調查委員會與警隊反彈無關,陳健波堅稱:「林鄭可以繼續講佢嘅說話,但依我理解,呢個就係關鍵」,更指不只民主派覺得政府「無做嘢」,「好多建制派都覺得政府係做嘢不足,或者好多官員解釋唔夠」,指官員很多事情「唔敢去講或者承擔」,結果不少議員將不滿發洩在立法會。

一格照片,一個故事,Follow蘋果Instagram!
BannerBanner