【抗暴之戰】眾蒙面警失控狂罵記者老母臭X:講粗口又點吖 冇得撈呀?

更新時間 (HKT): 2019.10.22 03:03

蒙面警在元朗一帶清場期間停在馬路中心,其間疑不滿記者只影着蒙面警,嘲記者:「加油黑記,啱啦影住警察,唔使影暴徒架黑記。」記者反駁:「記者影乜嘢唔使你管理。」蒙面警不忿氣以強光燈閃向記者鏡頭,又嘲記者:「黑記加油。」其間網媒「癲狗日報」記者回敬:「黑警加油。」即遭蒙面警質問:「你邊間報館架。」

記者即回應:「癲狗日報。」隨即有數名警員圍上:「你啱先講黑警、你邊間報館架。」記者隨大叫:「你叫我黑記者做咩吖?」警員續問:「你邊間報館架?」記者:「講咗好多次都話『癲狗日報』。你邊個分區吖?」警員:「我唔係呢度囉。懵架你?」

蒙面警繼續與記者爭持,並指講粗口不是犯法,又與網媒記者對罵,蒙面警:「搞X我,我都未X驚過呀!你搞X我,我搞你咩呀?」網媒記者回應:「你講粗口都解決唔到問題。」蒙面警:「而家你搞X我嘛,搞乜X嘢,搞。傻架你!」、「你扮記者,你老母臭X,記者唔係咁」、「因住仆親呀,你影住我吖,你搞X我嘛記者」。

蒙面警失控後,不但未有同袍制止,更錯將「癲狗日報」當成《蘋果日報》,誤以為由黃毓民創辦的「癲狗日報」是黎智英「話事」。多名蒙面警不只一次喝斥:「黎智英你老細大晒吖?」記者隨即反駁:「黎智英唔係我老細吖。」《蘋果》在場記者確認,被警鬧的記者與《蘋果》記者並非屬同一機構。

一格照片,一個故事,Follow蘋果Instagram!
BannerBanner