【決戰區選】衝衝子籲投票彰民意:前線催淚彈都食 投票有咩難?

更新時間 (HKT): 2019.11.24 00:02

在這個烽火歲月裏,「區議會選舉」在某些人心目中可能微不足道。不過有曾為香港流血流汗的前線就認為,抗爭與投票從來不是互斥,也不用二選一。投票是香港市民對政治現況的民意反映,「去話畀佢哋知,其實你建制獨霸咗咁多年,其實香港人根本就唔妥你哋!」

記者 周詠雯

「你難得有張票喺手,無理由唔做㗎!」阿強和阿貓(化名),反送中運動的數個月內均屬前線,勇武過也受傷過。做開「大茶飯」的他們,其實不太抗拒在區選投票,不過兩人強調,即使沒有反送中運動,港人從來都應該投票,「唔係因為我哋幫咗你做啲乜嘢,所以先要去做,而係因為我覺得作為一個有良心嘅香港人,嗰日去投個票係好正常嘅」,阿強說。阿貓亦認同,「至少畀所謂『政府』知道香港人嘅民意究竟喺邊一邊,而唔係佢地成日所謂口講嘅沉默的一群。」

在抗爭的氛圍下,士氣亦相當重要,區議會選舉結果,也是其中一個指標。阿強直言,「作為一個香港人,唔太希望建制派大勝啦」,阿貓亦指,「起碼呢一票令大家都意識到,大家仲會對香港有希望」。相比勇武在街頭巷尾上陣,議員就絕對是「和理非」,在現時「以武制暴」的聲浪裏,議會制度還有用嗎?阿貓答得直接,「左膠都有左膠嘅用處!」認為在司法覆核上及法理上等項目,議員及政黨角色亦幫助不少。

「你又唔可以話區議會細到係唔值得你投票」,阿貓認為立法會至少有五個議席是與區議會有關,「其實今次區議會係類似一個前瞻咁樣」。她續指,反送中運動由六月延續至今,不論和理非及勇武,也是本着「愛香港」信念而走上街頭,「既然你都出到嚟,又食催淚彈又盛,(投票日)早啲起身,去票站拎張身份證投票一啲都唔難」。阿貓認為,當一百萬、二百萬人現身遊行,建制派仍會以「沉默大多數」反擊,那麼全港市民都在選票上蓋一個印,踢走建制派,就是絕佳的民意證明。

「和勇合一」,向來都是反送中運動的特色。阿貓和阿強亦深感認同,認為不止和理非,勇武前線亦應該珍惜手上一票。「我係勇武嘅同時,都可以係和理非」,意思就是:「晨早去投完票,之後再去打過囉!」阿強亦笑言,「平時都有啲和你lunch和你盛,咁咪和你投囉係咪?」

「而家呢件事已經燒到埋身,如果你基本嘅表態、所謂投票都唔去做,我覺得你哋比所謂嘅藍絲更唔值得喺香港存在。」阿強說。

候選人資料可瀏覽 https://bit.ly/2MUQywa

一格照片,一個故事,Follow蘋果Instagram!
BannerBanner