【抗暴之戰】內地讀中醫被失蹤 國難忠醫創辦人「肥仔」廣州遭國安擄走

更新時間 (HKT): 2020.01.10 18:11

「國難忠醫」有創辦人疑似在廣州被國安當局行政拘留,有國難忠醫成員及失蹤者家屬在立法會議員楊岳橋的陪同下會見傳媒,指已有兩日無法聯絡該名創辦人,據其在廣州的室友報稱遭到國安行政拘留。

國難忠醫另一創辦人「細牛醫」今會見傳媒時表示,該名疑遭行政拘留的創辦人名為肥仔,年齡約20多歲,現正在廣州中醫藥大學就讀最後一年課程。細牛醫表示1月8日凌晨最後在香港接觸肥仔,隨後肥仔便經皇崗口岸返回廣州,「之後都有喺Telegram聯絡,語音對話,突然間佢喺宿舍話要去開個門,之後就聯絡唔到」,懷疑在宿舍被拘捕。

細牛醫指,肥仔有一個名為「豬仔」的同房室友,昨晚(9日)與今早曾兩次透過Telegram聯絡細牛醫,「本身都識佢同房,佢噚晚叫我哋唔好輕舉妄動,否則佢哋兩個人都有危險」,又指豬仔今早報稱已被國安拘留24小時後釋放,肥仔亦遭國安行政拘留,至今無法聯絡。

肥仔母親今一同會見傳媒,她指最後一次跟肥仔見面是周日(5日),當晚肥仔返回廣州後便一直無法透過WhatsApp聯絡,「平時每日都會WhatsApp,但嗰日之後佢無覆過我,搵極都搵唔到,打電話都試過」,又指她這個星期傳送給肥仔的信息都顯示都兩個剔,意味手機另一端接收得到,而顯示最後上線時間為昨晚,肥仔母親對此感到非常擔心。

現時兩人仍未就事情報警或向入境處求助,需待商討後才有進一步行動,立法會議員楊岳橋表示國難忠醫作為提供人道救援的組織,政權連這樣都不放過是趕盡殺絕,「無意去同香港人修補關係,香港年輕人因為學習而喺內地,如果真係被國安行政拘留,究竟港府是否知悉?有無通報呢?係咪走緊政策漏洞?係咪呢啲喺內地學習或工作嘅人,就係因為向示威者提供人道救援,就要面對失去自由呢?呢啲先係令人憂慮嘅地方」。

一格照片,一個故事,Follow蘋果Instagram!
BannerBanner