【醫護罷工@廣華】藍絲挑機鬧醫護 市民路見不平怒罵藍絲「人哋嗰啲唔係命?」

更新時間 (HKT): 2020.02.03 12:59

武漢肺炎疫情持續蔓延,醫管局員工陣線今日(3日)發起罷工,要求政府全面封關,以防疫情進一步惡化,有參與罷工的醫護人員今早簽到後,到公立醫院外派發宣傳單張,教導市民防疫措施,及講解罷工訴求。有藍絲大叔走到罷工醫護面前「挑機」,指摘醫護要求封關無理,反被路過市民駁斥:「人哋嗰啲唔係命?」

約十名罷工醫護人員到廣華醫院外派發宣傳單張,向市民講解防疫措施及罷工理念,其間有不少途經市民上前表達支持,更有市民送上飲品為醫護打氣。下午約4時,有藍絲大叔批評廣華醫院外的罷工醫護「唔係白衣天使,而家着晒黑衫」,罷工護士強調只要政府全面封關,必定立即返回崗位工作,「我哋只係想政府全面封關,為嘅係香港人,唔係自己。」該名大叔不斷指罵醫護,有其他途人開口「幫拖」,反問「你嗰啲係命,人哋嗰啲唔係命?」對面馬路更有市民高聲反駁,並向醫護表示支持,「我撐你呀!」大叔最終敗走。

計劃連續一周罷工的物理治療師陳先生表示,希望罷工為醫管局及政府帶來壓力,要求政府全面封關,他指自己賭上前途,只希望政府防疫,「其實我哋係為咗香港人嘅健康着想,絕對冇違反我哋嘅專業守則」。陳先生批評林鄭:「做乜嘢都慢好多拍,冇效率又唔聽民意,淨係顧住中央感受、政治任務,完全冇理香港人生死。」

另一位物理治療師梁先生表示,罷工決定艱難,但他權衡過後,認為爭取全面封關更能保障全體港人福祉,遂參與罷工。面對批評,梁先生強調:「我哋唔係怕死,唔係要加人工,唔係扭計,只係想政府全面封關。」

經歷過沙士一疫的護士李小姐不願上鏡,她今日罷工到廣華醫院外派發單張。她批評政府工作太慢,不論邊境防疫、公眾教育以至物資準備,「全部都太慢,好似要推一推佢先郁一郁,原地踏步咁,令到我真係好嬲。」

李小姐指,近日流感高峯期已「做到踢晒腳」,前線資源緊絀,極易感染,加上香港邊境現時「大開中門」,每日大量內地人來港,「如果仲繼續無限量畀內地人落嚟用我哋嘅醫療設施,係完全冇可能做到。」面對社會批評醫護罷工,李小姐指她罷工的原因正正是希望保護港人健康,她形容沙士一疫悲痛,「唔想再有一個醫護同事,我哋嘅手足死。」

李小姐指近日遇到很多隱瞞曾到訪內地的病人,前線醫護十分危險,遂希望政府可立法懲罰謊報病情的人,以保障前線醫護。

《果GYM》隨身播  健身壹App過!

一格照片,一個故事,Follow蘋果Instagram!
BannerBanner