【全民抗疫】搶口罩搶出焦慮情緒未必係病態 醫生:非常時期界線會寬鬆啲

更新時間 (HKT): 2020.02.03 00:25
精神科醫生指出,現時處於非常時期,因買不到口罩而感焦慮症亦屬合理。
(資料圖片)

政府防疫工作嚴重失職,武漢肺炎蔓延本港,防疫用品如口罩及酒精更嚴重短缺,無法購得的市民自然心急如焚。精神科醫生指出,現時處於非常時期,經常洗手的人都不代表是強迫症發作,因買不到口罩而感焦慮亦屬合理,除非情緒困擾明顯,有失眠甚至自殺傾向,才需盡快求診。

精神科專科醫生歐陽國樑表示,市民憂慮感染武漢肺炎,又或恐懼防疫用品不足以應付抗症,其實相關狀況亦為合理,「反而你唔識驚先係唔正常嘅人」。他指,焦慮很多時屬心理或性格問題,「有時焦慮性格係一個優點,係呢啲災難環境更識保護自己,更注重細節」。

他直言,現時處於非常時期,「正常同唔正常嘅定義,同平時有啲分別」,界線會較以往寬鬆,如以往有強迫症患者因出現不合理恐懼,才會不斷洗手,但目前病毒感染性高,經常洗手是有助防疫,「呢段時間佢用夠兩次肥皂,洗夠5分鐘,都唔係唔合理」,惟若每半小時便洗手一次,才算不合常理。

現時全城陷入口罩荒,不少市民連基本的外科口罩亦不足夠。他稱,香港暫未出現大規模社區擴散,卻因缺乏防疫用品,造成市民不必要的焦慮,「有啲人只想正常維持生活,譬如有啲私家醫生想開門,但冇口罩都唔知點算」,故若因缺乏防疫用品而出現焦慮情緒,未必是病態,但找不到出現情緒的合理原因,而情緒仍然失控,有不開心及憂慮等情況,便要尋求協助。他建議可先找朋友傾訴,以減輕壓力,未必需要求診甚至服藥,「依家睇醫生都係一種壓力,一來冇口罩,二來又要同其他病人接觸」。

他亦提到,若曾經歷2003年沙士,並有不愉快經歷的人士,亦較易有較大的情緒反應,有曾感染沙士的醫護人員近期情緒便極差,「會諗返沙士時有幾慘,之前沙士啲創傷出返晒黎,有個甚至直情話今次再惹咗,唔好醫我喇,由我死咗去算喇」。若情緒困擾明顯,影響正常生活,因情緒影響致頭暈、頭痛、心跳、手震、冇胃口、失眠等症狀,甚至有自殺傾向等,便須盡快求醫。醫生一般會以心理輔導減輕病人壓力,嘗試將問題放輕,嚴重則可處方藥物紓緩症狀。

一格照片,一個故事,Follow蘋果Instagram!
BannerBanner